«Удмуртия» издательствоын М. Гариповлэн адӟытонэз усьтӥськиз

Ангелина Снигирева
By Ангелина Снигирева 7 мая, 2019 17:09
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Удмуртиысь калык суредасьлэн Менсадык Гариповлэн ужъёсыныз адӟытон усьтӥськиз «Удмуртия» издательствоын.

— Менсадык Гариповлэн та ужъёсыз — издательствоямы кыллись оригиналъёс. Соос дорымы утисько 1986-тӥ арысен, — пусйиз «Удмуртия» издательстволэн директорез Юрий Кузнецов. — Та ужъёс быдэс Совето Союзэз ортчемын, пусъемын РСФР-ысь, СССР-ысь госиздатъёслэн дипломъёсынызы. Соос чебертӥзы удмурт выжыкылъёсын книгаез — авторъёсыз Надежда Кралина но суредась Менсадык Гарипов УАССР-ысь кун премилэн лауреатъёсыз луизы. Надежда Кралиналэн оглом 30-лэсь трос книгаосыз «Удмуртия» издательствоын потӥзы, огъя тиражзы 1 миллион экзэмплярлэсь трос!
Юрий Васильевичлэн верамезъя, та 2 адямиос «Удмуртия» издательстволэн улоназ туж мур пытьы кельтӥзы. Соин ик издательстволы 100 ар тырмонэн герӟаськем ужрадъёс та адӟытон бордысен кутско.
Адӟытонэз усьтонэ пыриськизы Менсадык Гариповлэн но Надежда Кралиналэн ӵыжы-выжыосыз но тодмо суредасьёс, журналистъёс. Уноез соос асьсэ тодэ ваёнъёсэс мадизы.

— Мон туж шумпотӥсько, Надежда Кралиналэн дасям удмурт выжыкылъёсын книгаез али нош ик поттэмын шуыса. Талэсь азьвыл со тӧдьы выло вал, туж чебер. Нош табере — сьӧд выло, оло, эшшо но чебергес, туж йӧно пӧрмем. Мон тодам вайисько на, макем анае кема утчаз та книгалы суредась. Таиз иллюстратор уг яра, соиз уг тупа. Нош кыӵе со шумпотэ вал, Менсадык Гариповлэсь суредъёссэ адӟыса! — пусъе Надежда Кралиналэн нылыз Елена Юрьевна.
Нош Менсадык Гариповлэн апаезлэн нылыз Венера Берман понна та суредъёс эшшо но матын. Угось соос герӟаськемын пичи дырыныз, быдэ вуонэныз.

— Мон тодӥсько на, больницаын кылльыкуз но Менсадык ӵужмурт бумагаос пӧлын вал, соку но ялан суредаськиз… Семьяямы ӵемысь тодазы вайылӥзы Менсадык Гариповлэн пичи дырысьтыз учыръёсты. Огпол школаын биология урокын сое косӥллям сяськалэсь строенизэ мадьыны. Нош ӵужмуртэ, пе, шуэм: яралоз-а мон уг вера, мон суредало..? Сяськалэсь котькуд ёззэ, люкетсэ туж быгатыса суредам, ваньзэ возьматэм. Дышетӥсез ик паймем.
Шуныт тодэ ваёнъёссэс мадизы суредась Юрий Лобанов, «Айкай» коллективлэн кивалтӥсез Пётр Данилов, кылбурчи Галина Романова но мукетъёс.
Юрий Кузнецов тодэ вайытӥз: Менсадык Гариповлэн данэз нырысь ик шуккиськиз быдэс Россие, со РСФСР-ысь дано суредась луиз, солэсь выжыкылъёсъя суредъёссэ Третьяковской галереяя басьтӥзы. Та бӧрсьы гинэ Удмуртиын солы калык суредась ним сётэмын вал.
«Удмуртия» издательствоын Менсадык Гариповлэн ужъёсыныз адӟытон ужалоз туэ октябрь толэзёзь.

Елена Миннигараева

Туспуктӥз М. Егоров

Ангелина Снигирева
By Ангелина Снигирева 7 мая, 2019 17:09
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<