Удмуртиын 9 площадкаын «Вормон диктант» гожтӥзы

Ангелина Снигирева
By Ангелина Снигирева 7 мая, 2019 17:29

7-тӥ мае Россиысь калык «Вормон диктант» гожтӥз. Та нуналэ Россиен валче та ужрад борды итӥськизы 20-лэсь уно кунъёс. Удмуртиын сое гожтыны 9 площадка радъямын вал.

Одӥгез площадка ужаз Удмурт кун университетлэн библиотекаяз. Отчы люкаськизы студентъёс но дышетӥсьёс. Ваньзылэн гадь вылазы георгиевской лентаос бырттэмын. Егитъёсын ӵош диктант гожтӥзы Дышетонъя но наукая министр Светлана Болотникова, Удмуртиысь пӧсь интыосысь ветеранъёслэн «Боевое братство» огазеяськонэнызы кивалтӥсь Игорь Быков, УдГУ-лэн ректорез Галина Мерзлякова.
Диктантлы кутскон сётыса, визьзэс сынаны мылкыд карисьёслы вазиськизы Москваысь Вормон музейын люкаськем вылӥ кивалтӥсьёс, ожысь ветеранъёс.

— Азьвылзэ, историен тодон, уката егитъёс понна, со туж бадӟым но кулэ уж, — студентъёслы вазиськыса вераз С. Болотникова. — Угось тӥ бордысь потоз, мар тодозы Быдӟым ож, ветеранъёсмылэн подвигъёссы сярысь вуоно нылпиосмы. Туж умой, Быдӟым ожез тодэ вайытӥсь, Вормонэз дурем адямиосмес данъяса трос пӧртэм ужрадъёс ортчыло, кин ке гадь вылаз георгиевской лента бырттэ, мукетыз волонтёр чотын ветеранъёсты ӟечкыла, куинетӥез песятаез, песянаез сярысь сочинениос гожъя. Ӟеч сямлы пӧрмиз ини арлы быдэ ортчылӥсь «Вунонтэм полк». Нош ми туннэ люкаським диктант гожтыны. Со ужрад вань калыкмес огазея. Кышкано ӧвӧл, янгышъёс луозы шуыса, диктант тодэ вайытоз Быдӟым ожмаськон вакытъёс сярысь.

Со кӧшкемыт аръёсты калыкмы ноку медаз адӟылы ни, — итӥськиз И. Быков. — Мон 25 ар военной вал, кӧня ке война пыр потӥ. Адӟи, кызьы куд-ог кунъёсын историзэс выльысь, ас сяменызы гожтыны выризы. Милям озьы медаз луы. Соин ик тӥ бордысь, егитъёс, асьме кунмылэн зэмос историез потоз. Ноку ум вунэтэ Быдӟым ожысь геройёсмес, соослэсь подвигъёссэс. Асьме калыкмы, кунмы кужмо мед луоз. Нош асьмеос кужмо луомы, историмес тодӥмы ке.
Туннэ диктантэз гожтыны лыктэмъёс баллъёс люкан понна ӧз сюлмаське, тодон-валанзэс эскерон, песятайёссылэсь подвигзэс данъяса лыктӥзы. Озьы 45 минут ӵоже соос 20 юанъёслы валэктон утчазы. Тодӥзы Быдӟым ож вакытысь валтӥсь ожмаськонъёсты, соослэсь ортчем аръёссэс, тодмазы полководецъёсты, тодазы ваизы война сярысь фильмъёсты.
Николай Ложкин но Иван Гоголев УдГУ-ысь 1-тӥ курсысь студентъёслы тест сокем ик секыт ӧз йӧты.

— Милемлы вуоно историкъёслы сямен юанъёс капчиен сётӥськизы, — веразы пияшъёс. — Полководецъёсты ке шат, тодманы шугъяськимы, текстъя валано вал, кин сярысь вераське. Но огъя учконо ке, та юанъёслы валэктонъёс котькинлы матын но тодмо луыны кулэ. Историмес тодыны ваньмыз кулэ ук.
Та нуналэ диктант гожтыны парта сьӧры пуксизы Кун Кенешын, Ижысь Эшъяськон юртын, Нылпи творчествоя юртын, Дышетонэз азинтонъя институтын, Глазовысь пединститутын, огъя шаерамы 9 площадка ужаз. Эшшо вань мылкыд карись, дорысьтыз потатэк, сое гожтыны быгатӥз Интернет пыр 14 часысен.
Диктантлы йылпумъянъёс лэсьтэмын луозы диктантпобеды.рф сайтын Россиен нуналаз, 12-тӥ июне.

Ангелина Снигирёва

Туспуктӥз А. Снигирёва

Ангелина Снигирева
By Ангелина Снигирева 7 мая, 2019 17:29
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<