Толлоез но туннэез — люконтэм

Ангелина Снигирева
By Ангелина Снигирева Май 15, 2019 15:04

Вормон Нуналлы сӥзьыса, Удмуртиысь театръёс возьматӥзы Быдӟым Атыкай ожлы сӥзем постановкаоссэс.

«Чингыли» мюзик-холлысь нылпиос концерт возьмато
Фото: udmurt.ru

Войнаысь ветеранъёслэн элькун госпиталязы йӧнатӥськисьёс доры вуылӥзы «Молодой человек» театрысь артистъёс но «Чингыли» мюзик-холлысь нылпиос. Соос шулдыр концерт возьматӥзы. Люкаськемъёсты ӟечкыланы озьы ик вуылӥзы Удмуртиысь Правительстволэн кивалтӥсезлэн воштӥсез Анатолий Строков, Ижысь Октябрь ёрослэн администрациезлэн йырыз Валерий Мартынов, госпитальлэн валтӥсь врачез Андрей Дёмин.

Со сяна, «Молодой человек» театрысь артистъёс «Ижевск: фронт в тылу» постановкаенызы Ижысь школаосы вуылӥзы. Нылпиосты тодматӥзы Удмуртиысь калыклэн ож вакытэ улон-вылонэныз, вормон понна тыршеменыз, войналы сӥзем кылбуръёсын но кырӟанъёсын, документальной кинохроникаен.

Театрлэн директорез Елена Столова вера:

  • Туала вакытэ пиналъёслэсь кунмылэн историезлы тунсыксэс аратыны капчи ӧвӧл. Но нылпиос, ожлы сӥзем постановкаенымы тодматскыса, Удмуртиысь ветеранъёслэсь тодэ ваёнъёссэс кинохроникаысь кылзыса, валало, элькунмы, асьме ӵыжы-выжыосмы но вормонэз дуризы шуыса. Кунлэн историез соослэн улоназы мургес пыӵа.

Удмурт театр но Вормон Нуналлы сӥзем постановка дасяз. «Мы — эхо…» концертын чузъяськизы ож пыр потэм кылбурчиослэн кылбуръёссы, война вакытысь кырӟанъёс, солдатъёслэн гожтэтъёсысьтызы чуръёс. Артистъёс веразы бадӟым кайгу но бадӟым шумпотон сярысь, возьматӥзы историысь вирен пылатэм шимес вакытэз. Постановка тодэ вайытэ, макем бадӟым дун вормон понна тыроно луиз калыклы.

Вормон Нунал азьын Сарапулысь драмтеатрын ортчиз «Во имя Мира» спектакльлэн премьераез. Спектаклез дасязы Сарапулысь драмтеатрлэн студияз дышетскисьёс. Со «вербатим» жанрен пуктэмын: отын зэмос адямиослэн кылъёссы чузъясько. Егитъёс возьматӥзы, макем юн сӥньысъёсын герӟаськемын туалаез но ортчемез. Спектакль сӥземын Быдӟым тылож пыр ортчемъёслы но М. Калашниковлэн вордскем дырысеныз 100 ар тырмонлы.

Cергей Захаров

Ангелина Снигирева
By Ангелина Снигирева Май 15, 2019 15:04
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<