Пумиськытӥз Василий Тёркин

Ангелина Снигирева
By Ангелина Снигирева Май 16, 2019 09:44

Кияса ёросын нылкышно огазеяськонъёс пӧлын «Май особого назначения» конкурс ортчиз. Со сӥземын вал Быдӟым ож сярысь чеберлыко произведениосты тодонлы. Таӵе ужрад дасяз ёрос библиотека.

Командаос тылож сярысь произведениосты тодылӥзы

Вожвылъяськонэ ёросысь 7 поселениосысь командаос пыриськизы. Ужрад 2 этапен ортчиз. Нырысетӥез радъяськиз апрель толэзе. Командаос Быдӟым ожмаськонлы сӥзем произведениосъя юанъёслы валэктон утчазы, тылож сярысь кылбуръёс лыдӟыса, ветеранъёслэн фотоосынызы, война сярысь крезьгуръёсын видеороликъёс дасязы.
Вормон Нуналэ нылкышноос люкаськизы Кияса черкогуртысь шор площаде. Соосты праздникен ӟечкылазы ёрос библиотекалэн кивалтӥсез Елена Михайлова но А. Твардовский писательлэн поэмаысьтыз ваньмызлы тодмо герой Василий Тёркин.
Командаос 8 станциос пыр ортчизы. Быдӟым оже пыриськем писательёсты но поэтъёсты туспуктэмъёсъя тодмаллязы. Тодазы вайизы тылож сярысь книгаосъя пуктэм фильмъёсты. Ватскем букваосъя Быдӟым ож вакытэ ӧтёнъёсты тодылӥзы но трос мукетыз тунсыкоез витиз командаосты. Вожвылъяськон йылпумъяськиз «Вормон» станциен. Татын нылкышноос Василий Тёркинлэсь арганзэ утчазы но шедьтӥзы.

— Конкурс туж тунсыко пӧрмиз, эсьмаса, одӥг станциысь мукетаз война сярысь кырӟанъёсты быдэстыса ветлӥмы, — вераз Кияса ёросысь Вуж Салья гуртысь мыло-кыдо лыдӟисьмы, вожвылъяськонэ пыриськем Марина Морякова. — Вожвылъяськонлэн заочной этапаз милям командамы Н. Байтеряковлэсь кылбурзэ лыдӟиз. Чуръёсты веракумы, тодамы ваимы гуртысьтымы Богданов 4 агай-вынъёсты, ваньзы соос тылож дыръя быризы.
Котькуд команда аспӧртэмлыко военной дӥсен пӧрмытскемын вал, йыразы — пилоткаос, гадь вылазы георгиевской лентаос бырттэмын.
Ужрадын устоосыз луизы Первомайской поселениысь «Внуки Победы» команда. Ужрад бере ваньмыз ӟеч мылкыдын пуксизы ӝӧк сьӧры, пӧзьтэм картошкаен но пӧсь чаен утялскизы, ог-огзылэн тылож сярысь кылбуръёсъя лэсьтэм видеороликъёсынызы тодматскизы.

Ангелина Снигирёва

Фото басьтэмын Кияса ёрос библиотекалэн «Вконтакте» бамысьтыз

Ангелина Снигирева
By Ангелина Снигирева Май 16, 2019 09:44
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<