Оскымон но востэм

Ангелина Снигирева
By Ангелина Снигирева Май 7, 2019 09:19

Россиысь Гурт удысъя министерство Таукаронэн сӥлы кариз 12 гуртоосмес. Соосты Резиденциын ӟечкылаз Удмуртилэн Тӧроез А. Бречалов.

Тӧро Ю. Шутовез данъя

Дунъямъёс пӧлысь огез — Яр ёросысь «Прогресс» хозяйствоын кема аръёс ӵоже трактористын ужась удмурт воргорон Юферий Шутов. Со татын 1980-тӥ арысен, армиысь бертэмез дырысен, тырше. Атаез но трактористын, комбайнёрын ужамын. Юферий Иванович бубиз сьӧры пичи дырысеныз ветлэмын.

— Атае бордысен ик кутскиз техника котыре кыстӥськонэ, колхоз ужез гажаме, — шуэ Юферий Шутов. — Кылем арын пенсие келязы, но коркан пукыса жадисько. Колхозмы зӧк (бадӟым), ужась уг тырмы, тулыс кизьыны потод шуизы. Ӧтьыкузы мыноно. Лудын мылкыд ик капчи луэ. Тазьы дунъямзы ӧй вал на бере, эшшо но ужам потэ на.

«Прогресс» СПК-ын 157 ужась лыдъяське. Хозяйствоен кивалтӥсь Александр Наймушин верамъя, кизён вакытэ механизаторъёс уг окмо. Пенсие потэмъёсты выльысь уже потто.

— Юферий Ивановичлы соку ик шуимы: толалтэ шутэтскод, тулыс ужаны потод, — вера Александр Наймушин. — Со востэм, трос уг вераськы, но лэсьтоз ваньзэ, мае косӥд. Нокинлы но пумит уз вазьы. Нош кыӵе оскымон но ӟеч ужась со! Техникаез тӥяськиз ке, ачиз ик тупатоз — муртлэсь возьмаса уз пукы, кизён ӝега, шуоз. Тулыс ваньзэ сямен техникамес лудэ поттӥськомы. 2 сюрс 200 йыр сюро таза пудо сыӵе дыръя аналтэмынгес луэ.

«Прогрессын» арлы быдэ техниказэс выльдыны тыршо. Миым пудо сиён дасянъя комбайн басьтӥзы — асьсэлэнэз вужмемысьтыз тӥяськыса сылылӥз бере, ужзы ӝегаз угось. Муртлэсь но техниказэс арендае кутылӥзы.

— Техника вуттод ай, нош ужасез гуртэ уд кыскы, — шуэ Александр Наймушин. — Квартира ке но висъяськомы, специалистъёс татчы уг лыкто. Учко но кошко. Кыдёкын каро. Пудо першал, скал кыскись уг тырмы. 200 йырлы гид пуктыны кутскимы — пудо йылэ, сое интыяны, калыклэсь ужзэ капчиятыны кулэ.

Юферий Шутовлэн 2 нылыз но 2 пиез, гуртазы кыльытэк, Яре но Глазов городэ улыны выжизы. Атайзы нош аслыз инты уг шедьты — юртъер нылпиостэк мӧзмыт кылиз, шуэ.

Елена Сараматова

Ангелина Снигирева
By Ангелина Снигирева Май 7, 2019 09:19
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<