Кытын ужаськод — отын пуктӥськы

Ангелина Снигирева
By Ангелина Снигирева 31 мая, 2019 16:18
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Кун Кенешысь «Огъя Россия» фракцилэн кивалтӥсез Анатолий Наумов ивортӥз «Огъя Россия» партилэн туэ пыӵась проектъёсыз сярысь.

«Огъя Россия» партилэн праймеризэз ортчиз
Фото: udmgossovet.ru

Туэез ар шаерамы тазалыкез утёнлы сӥземын бере, соос пӧлысь уноез герӟаськемын та удысэн. Кылсярысь, «Эскеры тазалыктэ» проект улсын чакламын калык пӧлын валэктон уж нуыны — диспансеризация пыр ортчоно, таза улонэн эшъяськоно. Нош «Тазалыклэн армиез» проект ас котыраз люкалоз волонтёръёсты — соос калыкез ӝуткалозы спортэн вырыны, мугорез кыдатонъя ужрадъёсы пыриськыны.

Элькунлэн Тӧроез А. Бречалов кичӧлтэмъя асьме парламентысь депутатъёс Кун Думае ӵектонэн потӥзы вал, «Россиысь калыклэсь тазалыксэ утён сярысь» федерал законэ ватсанъёс пыртыны курыса. Соос герӟаськемын шугомем адямилы нырысетӥ юрттэт сётонэн — автоматической дефибрилляторъёсты уже кутонэн, — веранзэ мытӥз Анатолий Наумов. — Кун Думаысь депутатъёс ӵектонъёсмес нырысетӥ лыдӟонэн эскеризы ни. Воштонъёсты юнматытозы калык пӧлын валэктон уж нуоно дефибрилляторъёсты кутон ласянь. Та уж борды «Огъя Россия» партилэн Удмурт ёзэз басьтӥськиз ни: туэ быдэсъяськыны кутскиз «Дась лу юрттыны» проект. Со улсын матысь дыре дасямын но вӧлмытэмын луозы нимысьтыз методичкаос, отын валэктэмын луоз, кызьы та аппаратэн нырысетӥ юрттэт сётоно. Элькунамы озьы ик пыӵалоз экологилы сӥзем «Экобаттл» проект. Таизъя покчи пиналъёс, арлыдоос пӧлын инкуазез утён ласянь валэктон уж нуиськоз. Матысь дыре озьы ик пыӵаны кутскозы «Таза улонъя онлайн карта» но «Сюлмаськытӥсь учыръёсъя онлайн карта» проектъёс. Нырысетӥез пыр калык тодыны быгатоз, кытын мугорез кыдатыны луоз, дун тырытэк. Нош кыкетӥез проект шараяны юрттоз кудӟытӥсь юонъёсъя, тамак кысконъя куронъёсты тӥян учыръёсты. Котькуд адями та онлайн карта пыр ӝожтӥськонъёссэ келяны быгатоз. Со сяна, улонэ пыӵа «Кузьма библиотекалы книга» кичӧлтон. Кун Кенешысь уноез депутатъёс асьсэ округъёсысьтызы библиотекаоссэс книгаосын узырмытон борды басьтӥськизы ни, — шуиз со.
Кемалась ик ӧвӧл «Огъя Россия» фракциысь депутатъёс ортчизы элькунысьтымы ёросъёстӥ, калыкен кенешизы. А. Наумов пусъемъя, шаерамы улӥсьёсты тужгес но сюлмаськыто улон интыен, музъемез уже кутонэн герӟаськем ужпумъёс.

Басьтом тани управляющей компаниосты. Юртъёс одӥгезлэн ки улысьтыз мукетаз выжо соизлэсь но, таизлэсь но расчёткаос вуыны кутско. Нош калык маин янгыш? ЖКХ удысэн герӟаськем законъёсты эшшо ӟечгес кароно, адямиослэсь правооссэс золгес утёно. Озьы ик уно юанъёс вуо «Гуртысь эмчи» проект пумысен. Со пыӵа ни кӧня ке аръёс ӵоже, но пайдаез рос-прос уг шӧдӥськы. Егит специалистъёс гуртэ огдырлы ужаны интыясько но, та проект пыр уксё басьтыса, палэнын — я ёрос центрын, я городын — улон инты басьто. Тазьы луыны кулэ ӧвӧл, проект ньӧмыз понна гинэ пыӵаны кулэ ӧвӧл. Егит эмъясьёс азе чурыт курон пуктоно: висъям уксёен улон сэрег басьтыны мед быгатозы со интыын гинэ, кытчы ужаны лыктӥзы, — шуиз А. Наумов.
Со сяна, калыклэсь уно вазиськонъёс вуо улон юртъёс бордын усьтэм рюмочнойёс пумысен. Отын кудӟытӥсь юонъёсын утялто уен-нуналэн. А. Наумов пусъемъя, Кун Кенешысь депутатъёс та ужпумез сэрттон борды басьтӥськизы ни. Кун Думае эскерыны ыстэмын федерал законлэн проектэз. Соя асьме депутатъёс куро улосъёслэсь полномочиоссэс паськытатыны: адямиосты кудӟытӥсь юонъёсын утялтӥсь интыослэн ужан дырзы но кытын интыяськемзы ласянь куронъёсты чурытатыны луонлыксы мед кылдоз.

— Матысь дыре Кун Думаысь депутатъёс басьтӥськозы ни кичӧлтонмес эскерон борды. Малпасько, со одно ик санэ басьтэмын луоз. Та проектлы дурбасьтэмзэ вераз ни Кун Думаысь депутат Андрей Исаев, озьы ик та ужпумез син шораз возьыны оскытӥз элькунмылэн Тӧроез Александр Бречалов, — шуиз А. Наумов.
«Огъя Россия» партилэн Удмурт ёзэз кичӧлтэмъя кылем шутэтскон нуналъёсы Ижын ортчиз партилэн праймеризэз. Одӥг мандатъем 7 номеро Центральной но 12 номеро Молодёжной округъёсын трос куара люказы «Калашников» концернлэн кивалтӥсез Дмитрий Тарасов но электромеханикая «Купол» заводлэн кивалтӥсезлэн юрттӥсез Алексей Перминов. Табере соос пыриськозы огъя куара сётон нуналэ — 8-тӥ сентябре — Кун Кенеше ватсаса быръёнъёсы.

Елена Никитина

Ангелина Снигирева
By Ангелина Снигирева 31 мая, 2019 16:18
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<