Калыкез огазеясь нунал

Ангелина Снигирева
By Ангелина Снигирева Май 16, 2019 14:45

Ӟеч сямлы пӧрмиз ни: Пичи Пурга ёросысь Вуж Мӧнья поселениын улӥсьёс 9-тӥ Маез арлы быдэ пусъё, мугорзэс кыдатыса.

Вуж Мӧньялан Вормон нуналэз пусйизы мугорзэс кыдатыса

Туэ вужмӧньяос 9-тӥ Маез пумитазы гурт шорысь выльдэм синпелет дорын — вужез совето вакытэ пуктэмын ни вал бере, куашканы кутскиз. Выльзэ кылем сӥзьыл усьтӥзы, со вылын чурен-чурен пусъемын Быдӟым ожын быремъёслэн нимтулъёссы.

Жаляса верано, Вуж Мӧнья гурт пичи ӧвӧл ке но, Быдӟым оже пыриськем ветеранъёс ваньзы улонысь кошкемын ни. Ваньзэ-ӧвӧлзэ гуртысь фронтэ кошкемын вал 138 адями, со пӧлысь 78-эз ож лудын быремын. Соослэсь подвигзэс данъяса, синпелет котырын зэмос концерт радъяськиз. Нош клубын тыршисьёс ортчизы Вуж Мӧнья поселение пырись вань гуртъёстӥ: войнае пыриськемъёслы сӥзем синпелетъёссы котырын военной кырӟанъёсты быдэстӥзы, люкаськемъёслы капчи мылкыд кузьмазы.

Нош мукет нуналаз гуртоос потӥзы 9-тӥ Майлы сӥзем вожвылъяськонэ: пӧртэм кужымзэс мертазы бызьылыса. Ваньзэ-ӧвӧлзэ 70-лэсь ятыр адями люкаськиз. Соос 6 командалы люкиськизы — пӧлазы ужась калык но, пенсионеръёс но. Нимаз команда кылдытӥзы школьникъёс: ӵапак соос ик вормисе потӥзы, сётэм дистанциез оп! шуытозь ортчизы. Вожвылъяськонэ пыриськемъёс кузьымъёсын, грамотаосын пусъемын вал. Ужрад капчи мылкыдын йылпумъяськиз — гуртоос дэмен ӝук сиизы, Быдӟым ожын быремъёсты, ветеранъёсты тодазы вайизы, фронтовой кырӟанъёсты быдэстыса. Пиналъёсмылы пичи дырысенызы ик пыӵатоно войнае пыриськем песятайёссылэн подвигенызы данъяськон мылкыд, шуэ Вуж Мӧнья поселенилэн йырыз Виктор Сергеев.

Пусйытэк кельтыны уг луы тазэ но: та поселение пырись Быстрово гуртлэн урамъёстӥз туэ нырысьсэ ортчиз «Вунонтэм полк». Та гуртысь Быдӟым оже кошкем 63 адями, нош берытскем ӝыныез гинэ. Гурт бадӟым ик ӧвӧл, выльдӥськон вакытэ бырон калэ но вуэмын вал ни. Нош та вакытэ гурт пушъе, вордско нылпиос. Ӵапак соос мылкыд каризы песятайёссылэн туспуктэмъёсынызы гурт урамъёс кузя ортчыны.

Елена Тугашева

Ангелина Снигирева
By Ангелина Снигирева Май 16, 2019 14:45
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<