Жаглы … нимаз висъет

Ангелина Снигирева
By Ангелина Снигирева Май 22, 2019 16:15
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Шаерысьтымы черкогуртъёсын но гуртъёсы пумен жаг куян контейнеръёс пуктыло, но соос ӝог тырмо, эшшо ке пачыласа сылӥсь бакъёсысь жагез ульча кузя тӧл яке пуныос нулло. Югдурез воштыны юрттоз нимысьтыз площадкаос усьтон. Та уж борды али басьтӥськизы Дэри ёросын.

Бадӟым но векчи жаглы нимаз висъетёъс кулэ. Дэри черкогурт Речная ульча

Ӝеганъёслы пум вуоз
Дэри черкогуртысь Речная урамын кӧня ке контейнер сылэ, но улос оператор отысь жагез нуыны вуттэ гинэ, ӵуказеяз ик отходъёс люкасько ни. Калык татчы вуж диванзэ, телевизорзэ, ӧсъёссэ векчи жаген оглом куя. Озьы улос оператор, векчи отходъёсты бадӟымъёсызлэсь висъяса выронтӥяз, мукет интыосысь жагез поттыны ӝега. Нош санитарияя куронъёсъя бадӟым жаглы нимаз висъет луыны кулэ, сое арняяз огпол нуыны лэземын, мукетыз векчи жаг нуналлы быдэ поттӥське.
Улос операторлэсь ужзэ капчиятыны но ульчаосты чылкытгес карыны луысал нимысьтыз площадкаос лэсьтыса, шуо ёрос кивалтӥсьёс.
Туэысен жаген нюръяськон выль система пыӵаны кутскем дырысен ёросын 850 пала контейнеръёс пуктылэмын. Но со уг окмы на. Ёросын 74 сюрс 700 пала улӥсьёсыз, нош май толэзьысен октябрёзь соослэн лыдзы 300 сюрсозь будэ — сад-бакчаосазы, дачаосазы лыкто городын улӥсьёс. Озьы жаг но трослы йылэ. Таин сэрен улос оператор гужемлы техникалэсь лыдзэ будэтэ, жагез поттон графикъёсты тупатэ.

— Выль система ужаны кутскем дырысен отходъёс 1 но ӝыны поллы тросгес люкаськыны кутскизы, гужем эшшо но тросгес луоз, — вера Дэри ёрос администрациысь граждан обороная, кышкытлыклэсь утиськонъя но инкуазез утёнъя управлениен кивалтӥсь Сергей Матвеев. — Соин ик пачыласа сылӥсь контейнеръёс медаз луэ, ульча кузя жаг медаз кыстаськы шуыса, контейнерной площадкаос пуктылы кутском. Талы ёрос бюджетысьтымы 2 но ӝыны миллион манет висъямы.
Озьы туэ ёросын гужем ӵоже 108 площадка лэсьтыны ӧдъяло. Отын луозы бадӟым но векчи жаглы нимаз висъетъёс, контейнеръёсты липет улэ карозы, отчы зор-кот уз шедьы, пуныос но нуллыны уз быгатэ ни. Нырысетӥ площадка кылдыны кулэ июнь шорын Кияик черкогуртын. Ёросын огломзэ 400 сыӵе интыос пуктылоно, вераз С. Матвеев.

Кырсёмытӥсьёсты синйылтоз… камера
Быдэс Удмуртиын свалкаосты утялтонъя сюлмаськон кылдэмын. Та вакытэ шаерамы юнме азе 460 жуг-жаг интыос пусъемын. 10 ар куспын соос ваньмыз утялтэмын луыны кулэ. Инкуазез утёнъя но инкуазь узырлыкъя министерство арлы быдэ быдэн 46 кырсь интыысь жагзэ поттыны, отчы писпу, турын мерттыны ужпум пуктэ.
Выль система ужаны кутскем дырысен свалкаослэн лыдзы будыны кулэ ӧвӧл ни кадь. Угось ваньмыз адями потэ-а, уг-а — жагзэ поттон понна дун тыре. Озьы ке но мыддоринь ужасьёс сюро ик. Тани Дэри черкогуртысь вӧзысь Позимь шур котырысь нюлэсэ кожон дурын жаг гурезь туэ ар ӵоже гинэ кылдӥз шуыны луоз.

Кырсь инты ӝыны ар куспын кылдӥз

— Та свалкаез кылем арын гинэ 3 пол утялтӥм, — вераз С. Матвеев. — Но толыкез ӧвӧл: адямиос, дачаосысьтызы бертыкузы, дышем сямзыя мешокъёссэс отчы куяса кельто, кырсьсэс сэрпалляло лэсьтӥськонэн вырись ужбергатӥсьёс но. Отын пияла, стекловата но мукет лэсьтӥськем бере кылем-мылемъёс тачак. Инкуазез кырсёмытӥсьёслы штрафъёс тупатэмын ке но, соосты китӥзы кутыны секыт.
Оло, югдурез воштоз та выллем интыосы контейнеръёс пуктыса, ӵектӥзы журналистъёс. Но улос оператор но, инкуазез утисьёс шуизы: калыклэн кузяз ветлӥд ке, контейнеръёсты котькуд нюлэс куше, сюрес дуре пуктылоно луоз. Озьы ужамлэн пайдаез уз луы, адямиез жагзэ одӥг интые люканы дышетоно.
Инкуазез утёнъя но инкуазь узырлыкъя министр Денис Удалов верамъя, нюлэсъёсты кырсёмытӥсьёс ӧжытгес луозы, куд-ог жаг люкаськись интыосы камераос пуктылыса. Кун кивалтон ёзъёсын та пумысен вераськонъёс ӝутэмын ни.

Ангелина Снигирёва

Туспуктэмъёсыз авторлэн

Ангелина Снигирева
By Ангелина Снигирева Май 22, 2019 16:15
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<