Арлыдзы сярысь вунэтӥзы

Ангелина Снигирева
By Ангелина Снигирева Май 16, 2019 15:07

Удмурт Республикалэн Тӧроез Александр Бречалов пумиськылӥз Быдӟым ожысь ветеранъёсын, фронт мышкын тыршемъёсын.

Фото: udmurt.ru

Сӥё-дано пумиськонэз усьтыса, Тӧро люкаськемъёслы тау кариз Вормонэз дуремзы понна. Тӥ улондэс ӧд жалялэ Атыкай музъеммес утьыны, кунмылэсь данзэ ӝутӥды. Тӥляд подвигды номырин ӵошатонтэм, тау тӥледлы со понна, шуиз А. Бречалов.

Пумиськонэ вуэм куноос пӧлысь одӥгез — 96 аресъем Анастасия Егоровна Семенихина. Быдӟым ож вакытэ со фронт мышкын ужамын, нюлэс дасянын но, заводъёсын но тыршемын. Улонэз сярысь мадьыкуз, бам вылаз синкылиос быльыразы.

— Война кутскыку, мыным 19 арес вал, — тодаз вае Анастасия Егоровна. — Соку гинэ бызи вал, кузпалэным одӥг ар но ӵош улыны ӧм вуттэ. Ожлэн нырысетӥ нуналъёсаз ик сое фронтэ келязы. Рос-прос ожмаськыса но вуттымтэ со, нырысетӥ нуналъёсаз ик бырыны шедем. Но «похоронка» мыным соку ик ӧз вуы, сое сётӥзы ай ӵапак Вормон Нуналэ — 1945-тӥ арын 9-тӥ мае. Трос курадӟонъёс пыр потоно луиз улонэ ӵоже. Войнаез нокин но медаз адӟы ни.

А. Семенихина арлыдлы-висёнъёслы уг сётскы, книга лыдӟе, керттӥське, корка пушкысьтыз вань ужзэ ачиз быдэсъя на.

Тӧро А. Бречалов люкаськемъёслы юн тазалык сӥзиз, сяськаос-кузьымъёс сётӥз. Сӥё-дано пумиськонэ вуэмъёс пӧлысь куд-огез Тӧроен эктыны но мылкыд кариз. Вальсын бергаса, соос вань висёнъёссы сярысь вунэтӥзы, егит дырзэс тодазы вайизы но капчи мылкыд басьтӥзы.

Сергей Захаров

Ангелина Снигирева
By Ангелина Снигирева Май 16, 2019 15:07
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<