10-лэсь трос ужпумъёс эскеремын «Удмурт Кенеш» огазеяськонлэн Пичи кенешаз

Ангелина Снигирева
By Ангелина Снигирева Апрель 19, 2019 14:15

Пӧлазы — Удмуртилэн кунлык басьтэмез дырысен 100 ар тырмон, Герберез ортчытон, Киужъёсъя элькун юрт котырын кылдэм югдур…

Т. Ишматова, В. Тубылов

Удмуртилэн кунлык басьтэмезлы 100 ар тырмон ужрадъёсъя план вань ини. Юбилейлы сӥзьыса, Интернетын нимысьтыз портал усьтэмын луоз, со иворъёсъя «Удмуртия» агентстволэн бурд улаз ужалоз. Та сярысь «кенешчиослы» вераз Нациосын ужан политикая министерствоысь отделэн кивалтӥсь Е. Ложкина. Нош Гербер праздникез ортчытонлэн аспӧртэмлыкъёсыз сярысь ивортӥз Ижысь Эшъяськон юртлэн директорезлэн воштӥсез Т. Фёдорова. Гербер ортчоз 29-тӥ июне Эгра ёросысь Мазьги гурт вӧзын, сое радъянлы 1 миллион 125 сюрс манет висъяны чакламын.

Культурая министр В. Соловьёв ивортӥз, кызьы чакламын Удмурт центрез пуктыны. Туэ 1-тӥ июлёзь центрлэн проектэз дась луыны кулэ. Сое пуктон пумысен Удмуртилэн йырыз Александр Бречалов Россиысь культурая министрен В. Мединскиен вераськиз ини.
«Удмуртия» ТРК-лэн кивалтӥсез М. Городилова пыр-поч мадиз телевиденилэн цифровой амалэ выжемез сярысь, кытысь но кызьы табере удмурт передачаосты учкыны луоз. Нош «Удмуртия» издательстволэн директорез Ю. Кузнецов ивортӥз асьсэлэн проектъёссы сярысь. Угось туэ издательстволы 100 ар тырме.
Нош ик лэчыт вераськон ӝутскиз Киужъёсъя элькун центрлэн ӵуказе нуналыз пумысен. Азьвыл та центр Культурая министерстволэн бурд улаз ужа вал, табере сое Экономикая министерстволы выжтӥзы. Ваньзы сямен ик «кенешчиос» пусъё: сыӵе вамыш шонер ӧвӧл. Ужпум эскеремын ни «Удмурт Кенешлэн» исполкомаз, экспертной кенешаз. Соин ик «Удмурт Кенеш» огазеяськонлэсь оскем муртъёссэ «кенешчиос» дэмлазы та ужпумъя Удмуртиысь Правительствоен, элькунмылэн кивалтӥсьёсыныз вераськыны.
Пичи кенешлэн ортчемез сярысь пыр-поч лыдӟыны быгатоды «Удмурт дунне» газетлэн 25-тӥ апреле потоно номерысьтыз.

Елена Миннигараева

Фото: udmgossovet.ru

Ангелина Снигирева
By Ангелина Снигирева Апрель 19, 2019 14:15
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<