Ӵуказе нунал сярысь малпасько

Ангелина Снигирева
By Ангелина Снигирева Апрель 18, 2019 11:22

Грак ёросысь Вуж Эгра гуртысь «Родина» хозяйствоын скалъёсты роботэн кыскыны ӧдъязы. Предприятилэн ужаменыз тодматскиз Удмуртилэн Тӧроез А. Бречалов.

Выль фермаен тодматскон

Хозяйстволэн кивалтӥсез Сергей Петров шуэ: ӵуказе нунал сярысь малпаськоно. Азьло аръёсы колхозын 500 пала адями тыршиз, али — 280 пала. Вуж Эгра Татарстанлы матын луэмен, тросэз гуртоос отчы ужаны ветло. Гуртэ егитъёс уггес кылё, нош мӧйыосыз пумен пенсие пото. Соин хозяйство туала ферма ӝутон борды басьтӥськиз. Толэзь талэсь азьло 130 таза сюро пудолы чаклам гидзэс усьтӥзы. Отын 2 робот пуктэмын. Зэм, али одӥгез гинэ ужа, соин 37 скалэз кыско, но та арня вискын кыкетӥ роботэн ужаны кутскозы ни, валэктӥз хозяйствоысь валтӥсь зоотехник Юлия Крестьянинова. Туала техника уй-нунал ужа, сое чаклало 2 егит специалистъёс.

Скал кыскись робот

Али Вуж Эграын 260 скаллы гид пукто на. Кылем арын йырлы быдэ 7 сюрс 257 килограмм йӧл кыскизы. Ужасьёслэн шоро-куспо уждунзы 24,8 сюрс манет луиз.
А. Бречалов юалляськиз выль ужан технологиос сярысь, вераськиз скал кыскисьёсын. Собере пыраз клубе, ФАП-е, нылпи садэ. Ваньмызлэн юртъёссы сисьмемын ни. Али вуж эграос малпало та 3 объектъёслы одӥг юрт пуктыны проектсы дась ни.
Калык сярысь малпаськись хозяйствоослы государство юрттыны кулэ, шуиз А. Бречалов. Со понна быдэсъяське, кылсярысь, «Гуртэз азинтон» федерал программа. Солэсь луонлыкъёссэ котыр ласянь кутоно.

Ангелина Снигирёва

Ангелина Снигирева
By Ангелина Снигирева Апрель 18, 2019 11:22
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<