Школаез 5 гурт витиз

Ангелина Снигирева
By Ангелина Снигирева Апрель 4, 2019 10:43
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Дэри ёросысь Совхозной каргуртын улӥсьёс понна кема возьмам нунал вуиз: усьтӥськиз 2 этажъем, туалалэсь но туала выль школа.

Выль школа

Вужез школазы 1937-тӥ арын пулэсь пуктэмын вал, табере со куашкан калэ вуэмын. Пиналъёс но, дышетӥсьёс но вожъяськыса учкылӥзы мукет школаос шоры. Совхозныйын удмурт кыллы но литературалы дышетэм мӧйы муртлэн, Дэри ёрослэн дано муртэзлэн Клавдия Аникиналэн синкылиосыз ик быльыразы: быдэс гумыре, пе, ортчиз выль школаез возьмаса, туала егитъёс кыӵе шудоесь, шумпотӥсько соос понна!
Зэм но, выль школа пуктон пумысен кенешемын вал ни кӧня ке ар талэсь азьло, проектэз но дась вал ини, но уж вырӟиз ай улосэнымы Александр Бречалов кивалтыны кутскем бере гинэ. Выль школаез пуктонлы уксё висъяськиз Инвестициосъя федерал программа чотын — 125 миллион манет пала, 77 миллионэз вуиз элькун бюджетысь. Табере каргуртлэн шораз ик йӧн-йӧн сылэ школалэн выль юртэз: классъёсазы интерактивной доскаос пуктылэмын, химия, физика, труд урокъёслы кулэ луись арбериос вуттэмын, сиськон интызы вӧл-вӧл. Со сяна, зэмос ФАП-ын кадь радъямын пиналъёслэсь тазалыксэс чакланъя кабинетсы. Пиналъёс тужгес но шумпото стадионлы: ку меда лымы шунаса быроз, бызьылэм-шудэм потэ, шуо. Пусйыны кулэ: Совхозныйын тодон-валан люкало бускель гуртъёсысь пиналъёс но: Непременной Лудӟиысь, Старобор, Венья но Вуколуд гуртъёсысь школьникъёсты нулло автобусэн.
Выль школалэсь юртсэ усьтонэ пыриськизы Удмуртилэн Тӧроез Александр Бречалов, дышетонъя но наукая министр Светлана Болотникова, Дэри ёрослэн йырыз Андрей Коняшин, озьы ик ёрослэн дано муртъёсыз, гуртоос.

— Таӵе школаын мон но дышетскысал, — классъёстӥ ортчемез бере мылкыдзэ вераз Тӧро А. Бречалов. — Оскисько, таӵе юртын пиналъёслэн тодон-валан дуннее кыстӥськон мылкыдзы уката пуромоз. Матысь дыре школа пуктыны кутскозы бускель Пӧсьтол гуртын, нош азьланяз сюлмаськоно луоз Дэри черкогуртын но выль школа усьтыны. Со сяна, чакламын Ижын но кӧня ке школа усьтыны, кылсярысь, Леваневский но Берш нимо ульчаосын.

Елена Никитина

Туспуктэм: udmurt.ru

Ангелина Снигирева
By Ангелина Снигирева Апрель 4, 2019 10:43
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<