Улын Юриын жагзэс нимаз бичало

Ангелина Снигирева
By Ангелина Снигирева 24 апреля, 2019 13:21

Шаерамы кутскизы бадӟым чылкытатӥськон ужрадъёс — субботникъёс. Утялтӥськыны потӥзы гуртоос но.

Пазялысь гуртоос

Гуждор потэм бере ик Пичи Пурга ёросысь Улын Юри гуртысь калык урамъёссэ утялтыны кыстӥськиз.
Гуртысь староста Яков Петров верамъя, та нуналлы Улын Юриысь бадӟым ульчаос жаглэсь мӧзмытэмын ни. Али гуртоос май праздникъёслы дасько, котьку сямен соосты ужаса пумиталозы.

— Арлы быдэ мыло-кыдо гуртоосынымы гурт вӧзысьтымы шайвылэз утялтыны потӥськом, — вера Яков Парамонович. — Ужаммы бере ваньмы шутэтскиськом, чорыг лым пӧзьтӥськом. Та сяна, утялтӥськом гурт вӧзын кылдэм свалкаосты но. Отчы кӧня ке аръёсын жаг люкаськылӥз. Улос оператор кылдэм бере кырсь инты ворсамын, отчы нокин отходъёссэ уг кисьта ни.
Кыӵе югдур гуртын кылдэмын жаг поттонэн, вераз муниципал кылдытэтлэн йырыз Борис Николаев но.

— Гуртъёсамы контейнеръёс ӧз на вуэ, — шуиз кивалтӥсь. — Жагмес али мешокъёсы бичаськом. Отходъёсмес поттыны машина толэзьлы 2 пол вуылэ, гуртоосмы тодо техникалэсь кыӵе нуналэ лыктэмзэ, соин жагзэс мешокъёсы тыро но нимысьтыз чаклам интые люкало. Гуртоосмы пумен дышизы ни переработкалы ярась кылем-мылемъёсты — пластикез, пиялаез, полиэтиленэз — нимаз бичаны. Азьвыл пластик бутылкаосты калыкмы сутэгес вал ке, али гуртоослы валэктӥськом, озьы омыре кырсь суретъёс вӧлмо шуыса. Нош со жаглэсь ик пайда поттыны луэ ук, кылсярысь, выль вуз лэсьтонэ кутыны.
Жаг поттон зол радъяськемын Можга ёросысь Пазял поселениын. Отысь гуртъёсын 16-тӥ мартэ 18 контейнеръёс пуктылэмын, калыклэсь отходъёссэс арняяз 2 пол потто.

Пазял, Ӵужъем, Ключи гуртъёсамы контейнеръёс кылдэм бере капчигес луиз, соосты ас коньдонэныз улос оператор пуктылӥз, — вера поселенилэн кивалтӥсез Надежда Кокарева. — Табере гуртоос котькыӵе вакытэ жагзэс нимысьтыз чаклам интые вайыны быгато, кылем-мылемъёс но ӵемгес поттӥсько. Азьвыл, пуйыэн вырыкумы, машинаез толэзяз одӥг пол ӧтьылӥськом вал. Контейнеръёс пуктылэмын ке но, соос уггес тырмо на. Гуртын жаг люкаське ик. Тани Паска азьын адямиос азбар котыразы утялско, мешокен-мешокен кылем-мылемъёссэс поттало.
Кез ёросысь Бадӟым Олып поселение жаг нуллӥсь техника толэзьлы одӥг пол вуылэ — та тырмыт, шуэ муниципал кылдытэтлэн йырыз Наталья Волкова. Гуртоослэсь жагзэс мешокен поттало на. Но отходъёс трос уг люкало, пе, бумагаез гуръёсазы суто, сисьмонозэ кыедлы пӧрмыто. Гуртын нырысетӥ субботниксэс 7-тӥ-8-тӥ мае ортчытыны чаклало, ми палъёсын лымы лачак на, шуо кезъёс.

Ангелина Снигирёва

Ангелина Снигирева
By Ангелина Снигирева 24 апреля, 2019 13:21
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<