Удмурт Элькунъя валтӥсь федерал инспектор луиз Сергей Панов

Ангелина Снигирева
By Ангелина Снигирева Апрель 12, 2019 12:58
С. Панов

Выль федерал инспекторен тодматыны Удмуртие вуылӥз Россилэн Президентэзлэн Приволжск федерал округъя оскем муртэз Игорь Комаров. С. Панов выль ужез борды 12-тӥ апрельысен кутскиз. Солэсь азьвыл федерал инспектор вал Дмитрий Мусин, со ужысьтыз кошкиз 2019-тӥ арын март толэзе.
Сергей Панов 35 ар прокуратура удысын тыршиз, 30-зэ ужаз Удмуртиын: стажёр бордысен кутскыса, Удмуртилэн валтӥсь прокурорез луиз, та ужез 10 ар пала оскымон быдэсъяз.
Сергей Панов азе ужпум пуктэмын: Россилэн Президентэзлэсь май указъёссэ быдэсъянэз чаклан. Озьы ик со син азяз возе Правительстволэсь ужамзэ, кусып возе политической партиосын, граждан обществоен, сюлмаське калыкез кышкытлыклэсь утён понна, эскере, правоос мед быдэсъяськозы шуыса, чакла законэз тӥяса ужась застройщикъёсты, уждун ӝегатонэз но мукетсэ.

Панов Сергей Валентинович вордӥськиз 1958-тӥ арын 5-тӥ апреле Пермь улосысь Сатино черкогуртын. Йылпумъяз Свердловскысь юридической институтэз. Тыршиз Сарапулын прокурор луыса, Удмуртиысь валтӥсь прокурорлэн воштӥсез, прокурор вал.
2018-тӥ арын июнь толэзьысен 2019-тӥ арын апрель толэзёзь — Удмуртилэн Тӧроезлэн советникез; 12-тӥ апрельысен — Удмурт Республикая валтӥсь федерал инспектор.
С. Панов данъямын «За заслуги перед Отечеством» 2-тӥ степенё орденлэн медаленыз, Кун Кенешлэн 6-тӥ ӧтчамезлэн депутатэз луэ.

Ангелина Снигирёва

Туспуктэм басьтэмын udmurt.ru сайтысь

Ангелина Снигирева
By Ангелина Снигирева Апрель 12, 2019 12:58
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<