Пыӵал — тупаса улон понна

Ангелина Снигирева
By Ангелина Снигирева Апрель 18, 2019 11:54
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Кылем арня вискын Ижевск пыр ортчиз туж аспӧртэм поезд, со нуиз Сириысь боевикъёслэсь талам техникаез.

Сириысь боевикъёслэсь талам техника

«Сирийский перелом» акция быдэс Россия пыр ортче. Радъяське со Россилэн Президентэз Владимир Путин дэмламъя. Акцилы кутскон сётэмын вал 23-тӥ феврале Москваын. Отысен поезд кошкиз Севастополёзь, Севастопольысь — Владивостокозь, Владивостокысь — Мурманскозь, Мурманскысен ини выльысь берытскоз Москвае. Сюрессэ йылпумъялоз 27-тӥ апреле. Оглом 28 но ӝыны сюрс иськемез ортчоз, 60 городъёсы дугдылоз.

Удмуртия та тунсыко поездэз-адӟытонэз пумитаз оркестрен, Атыкай музъемлы сӥзем кырӟанъёсын. Поезд вуытозь, ог ӝыны час кылемын на вал, перрон тырмиз ни калыкен. Кадетъёс быдэс классъёсын лыктӥллям. Туж трос егитъёс, воргоронъёс, пӧлазы адӟисько нылъёс-нылкышноос, пиналъёс. Соосын ӵош — Ижысь кивалтӥсьёс, валтӥсь военком Александр Комлев но мукетъёсыз.

Поездэз пумитаса, Александр Комлев вераз:

— Ижын, Удмуртиын улӥсьёслы туж удалтӥз: ӵа-пак быдэс дуннелы тодмо луэм конструкторлы Михаил Калашниковлы 100 ар тырмонэз пусъён аре учкыны быгатӥськом, кыӵе пыӵал тӥрлык, техника кутӥське ож бусыосын. Нош российской армилэсь вормонъёссэ быдэс странамылы возьматыны быгатӥськом ке — туж пусйымон!

Эшелонын 20 вагон: одӥгаз интыяськемын армиысь сувениръёсын «Военторг» магазин, кыкетӥяз — военной художникъёслэн Греков нимо студизылэн адӟытонэз. Эшшо 2-аз вагонын — пыӵалъёсын, беспилотникъёсын но ожын кутӥськись мукет векчи арбериосын адӟытон. 500 пала люкамын соос.

Адӟытонэ вуылӥзы кадет классъёс

Но калык уката тымиськиз усьтэм вагонъёс котыре — соос дасо пала. Ӵапак отчы интыямын Сириысь бандитъёслэсь талам техника: пехоталы ACV-15 машина, штурмъёсы потон YPG Eagle Head автомобиль, минаосты утчась Aardvark JSFU трал, террорист-смертниклэн автомобилез — соос бичамын Америкаын, Китайын, Турциын. Вылазы маке гожъямын араб кылын. Адӟиське: секыт ожъёсты адӟемын — вань пасяськем но, кышъям но интыоссы. Нош табере соос ӧтё кадь: тупаса улоно! Экскурсоводъёс, военнойёс, адямиослэн вань юанъёссылы пыр-поч вераны дасесь. Кылсярысь, гурезьёсын тоннельёс лэсьтыны чаклам машина, пе, поттэмын Китайын. 2016-тӥ арын со таламын боевикъёслэсь. Та машина ик бӧрысь бандитъёслэсь гурезьёсысь ватскон интыоссэс быдтыны юрттӥз.

Паймымон: техника пӧ-лын вань асьме «Т-55» танк но. Экскурсовод, мотострелковой взводлэн командирезлэн воштӥсез Илья Глушенко верамъя, боевикъёс сое асьсэлы киултӥллям вылэм 2014-тӥ арын, асьсэлы кызьы кулэ, озьы выльдӥллям.

— Сое быдэсак сямен котыртӥллям зӧк корт сеткаен, — шуиз со. — Улӥыз но ватсаса кортэн кышъямын — ыбылӥськонъёс-пуш-тытъянъёс дыръя утиськон вылысь. Но 2016-тӥ арын сентябре Алеппо городын сирийской армия сое боевикъёслэсь берлань талаз.

Одӥгаз усьтэм вагонын Центральной военной округлэн кырӟанъя но эктонъя ансамблез концерт возьматӥз. Вань мылкыд карисьёс веръяны быгатӥзы солдат ӝук. Ужаз контракт амалэн армие мыныны мылкыд карисьёслы пункт.

Военной эшелонэн ки-валтӥсь Владимир Перепелица, Ижын акцилы йылпумъянъёс лэсьтыса, вераз:

— Туннэ адӟытонэ ог 550 сюрс адями вуылӥз — тӥляд татын вордскем музъемзэ яратӥсь калык улэ. Быдӟым тыложе элькунды 400 сюрслэсь ятыр пиоссэ но нылъёссэ келяз. Жаляса верано, котькуд кыкетӥез ӧз берытскы ни. Туала егитъёс азинто атайёссылэсь, песятайёссылэсь мытэм ужъёссэс. Удмуртиысь 7 мурт пусъемын Россилэн Героез дано нимын, 1 сюрслэсь ятыр военнослужащийёс сӥлы каремын кун наградаосын.

Элина Кумачёва

Фото: udmurt.ru

Ангелина Снигирева
By Ангелина Снигирева Апрель 18, 2019 11:54
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<