Пичи пенсия йылоз

Ангелина Снигирева
By Ангелина Снигирева Апрель 30, 2019 14:38
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

2-тӥ майысен 37 сюрс 672 пенсионеръёс пенсизы вӧзы доплата басьтозы. Россиысь Пенсиосъя фондлэн Удмурт ёзаз талы оглом 8 миллиард манет чакламын.

Арлыдоос пенсизы борды ватсэт басьтозы
Фото: «Удмурт дуннелэн» архивысьтыз

Шаерамы улыны тупатэм минимумлэн быдӟалаез 8 сюрс 502 манет. Та лыдпуслэсь ичи пенсия басьтӥсь адямиослы кун уксё висъялляз пенсизэс 8 сюрс 502 манетозь вуттон вылысь. Туэ пенсиосъя выль реформа улонэ пыӵамен, пенсилэн страховой люкетэз январе 7,05 процентлы йылӥз. Солэн шоро-куспо быдӟалаез 14 сюрс 628 манет луиз. Но тае пичи пенсия басьтӥсьёс шӧдытэк ик кылизы. Угось соослы кун азьвыл но доплата лэсьтэ вал бере, выль реформаен валче пенсизы оглом будӥз ке но, со 8 сюрс 502 манетлэсь ӧз ортчы. Озьыен, кӧня басьто вал, сомында ик кылиз. Таин валче туэ 1-тӥ апреле социальной юрттэт сётон сярысь но улыны тупатэм минимум сярысь федерал законъёсы воштонъёс пыртӥзы. Соин валче юнматӥзы: индексация ортчытыку, пичи пенсиен адямиосты санэ басьтоно. Озьы улыны тупатэм минимум вылэ пыкиськыса, табере соослэсь пенсизэс йылтылозы.
Пенсиосъя фондлэн Удмурт ёзэныз кивалтӥсь Алексей Бельтюков верамъя, туэ январьысен ортчытэм вань индексациосты санэ басьтыса, ог 37 сюрс пенсионеръёслэсь пенсизэс йылтозы. Россиын — ог 4 миллион пенсионеръёслы ватсаса уксё тырозы. Со понна Пенсиосъя фондлэн ёросъёсысь ёзъёсаз вазиськоно ӧвӧл — ваньзэ лыдъялоз компьютер. Куд-огезлы мае доплата ӧз вуы ке, сое лэсьтозы июне.
Мае, праздник нуналъёс тупамен, пенсия люкылон нуналъёс воштӥськозы. Кылсярысь, 4-тӥ но 5-тӥ май понна басьтоно пенсия тыриськоз 4-тӥ мае, нош 8-тӥ но 9-тӥ май понна люкылозы 8-тӥ мае. 11-тӥ но 12-тӥ май понна сётӥськоз 11-тӥ мае. Мукет нуналъёсы возьмано числое ик тыриськоз. Зэм, Грак, Ува, Балезино, Кизнер, Красногорск но Можга почтамтъёсын пенсия вазьгес басьтозы.

Гуртоосты выльысь лыдъялозы
Туэ январьысен 30 ар гурт предприятиын ужам но гуртэ улыны кылем адямиос пенсизы вӧзы 1 сюрс 333 манет басьтыны кутскизы. Ӝожомисьёс трос.
Пенсиосъя фондлэн Удмурт ёзэныз кивалтӥсь Алексей Бельтюков верамъя, али шаерысьтымы 17, 5 сюрс гуртоос сыӵе надбавка басьто. Таос пӧлы пыро пудо но чорыг вордон, нянь будэтон удысын ужасьёс.

— Нырысь-валысь чотаммы бере, шаерысьтымы 100 сюрс гуртоос пенсизы вӧзы ватсаса 1 сюрс 333 манет басьтыны быгатозы шуыса лыдъямы вал. Но тросэз адямиос гуртысь городэ улыны выжиллям. Соин ик лыдпус шуак усиз, — шуэ Алексей Бельтюков.
Пенсиосъя фондэ та пумысен вазиськисьёс уг бырыло. Кин ке архивысь документъёссэ вуттэ, кин ке гуртэ прописка выльысь лэсьтэ. Соин ик лыдпус нуналмысь йылэ. Туннэ зол ӝожомо бухгалтеръёс, экономистъёс, сельхозхимия но мелеорация удысъёсысь специалистъёс. Таос угось доплататэк кылемын. Правительствоен юнматэм списокын туннэ 1 сюрс 440 профессия, кудъёсыз доплата басьто. Туэ ар пумозь со йылыны быгатоз. Списокез паськытатон бордын ужало Пенсиосъя фондысь специалистъёс, таос калыклэсь вазиськонъёссэ но бичало.

— Гуртын улон так но секыт. Отысь калыклы юрттон вылысь но со надбавка чакламын вал, — шуэ Алексей Бельтюков. — Мон колхозын ужай, сое ӝутӥ, мыным но надбавка кулэ, шуо. Но со ужам понна гинэ уг сётӥськы, со гуртэ кылемъёслэсь улон-вылонзэс капчиятон вылысь висъяське.
Алексей Бельтюков верамъя, шаерамы 459 сюрс 738 пенсионеръёс. 93 сюрс 254 пенсионеръёс ужало. Калыкъёслэн нуналлы быдэ олокыӵе но юанъёссы кылдо. Пенсиосъя фондлэн Удмурт ёзаз адямиослы матэгес луон вылысь чаклало меӵак герӟетъя телефон кылдытыны.

Елена Сараматова

Ангелина Снигирева
By Ангелина Снигирева Апрель 30, 2019 14:38
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<