Нылпилы кулэ кужмо пельпум

Ангелина Снигирева
By Ангелина Снигирева Апрель 8, 2019 17:09
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Ижысь нылпи творчествоя юрт тамында воргоронъёсты нырысьсэ адӟиз, дыр. Угось татын нырысьсэ ортчиз атайёслэн форумзы. Та ужрад дыръя Удмуртиын кылдэмын атайёслэн огазеяськонзы.

Атайёс пумиськизы нырысьсэ
Фото: udmurt.ru

Пумиськизы нырысьсэ
Бубыосты огинэ люканы кичӧлтонэн потӥзы Удмурт Элькунысь нылпилэн правоосызъя оскем мурт Ольга Авдеева но мыло-кыдо атайёс.
Форуме лыктӥзы 10 ёросъёсысь воргоронъёс, школаосысь анай-атайёслэн комитетъёсазы пыриськись атайёс, министерствоосысь специалистъёс, черкын ужасьёс, Общественной палатаысь адямиос, депутатъёс, Россиысь атайёслэн ассоциациенызы кивалтӥсь Алексей Гусев. Соосты пумитазы Кун Думаысь депутат Алексей Загребин, Удмуртиысь Правительстволэн кивалтӥсезлэн воштӥсез Анатолий Строков.
Атайёслэсь огазеяськонзэс кылдытонлэн кулэлыкез но мугъёсыз валамон луизы форумын чузъяськем докладъёсысь. Озьы Удмуртиысь югдурез утёнъя министрлэн воштӥсез Олег Мальцев тодэ вайытӥз нылпиос пӧлын йыртэман учыръёс сярысь. Кылсярысь, кылем арын быдэ вуымтэос 96 пол законэз тӥязы, уноез соос пӧлысь лэсьтэмын вал кудӟем йырын. Кӧня ке пинал аракыен йырин бырыны сюриз. Та учыръёс-а уг возьмато, макем кулэ нылпиослы атайёссылэн но анайёссылэн сюлмаськемзы?
Огазеяськонлэсь пайдаё луэмзэ пусйиз Ольга Авдеева но:

Атайёслэн огазеяськонъёссы ужало ини Россиысь 60 улосъёсын. Шумпотӥсько, асьме дорын но та движениез кылдытыны быгатӥм. Зэм, со азьвыл но вал ини. Ог 10 муниципал кылдытэтъёсын мыло-кыдо атайёс огазеяськыса трос калыко интыосты эскерыса потылӥзы, нылпиосты таза но сазь улонэн эшъяськытӥсь ужрадъёс ортчытъязы. Табере ужпум пуктӥськом — котькуд поселениын таӵе огазеяськон кылдытоно.
Кулэ-а та движениез азинтыны, вань нылпиослэн нимынызы мылкыдзэ вераз Анна Кулаева. Со нылпи парламентлэн ёзчиез таӵе огазеяськон шаерамы ог 2-3 арня талэсь азьло кылдӥз.

Малы ке туала улонын атай шоры коньдон дурись шоры кадь гинэ учкиськом, — шуиз нылаш. — Нош азьвыл соос вордӥськем музъемез яратыны, нылкышноосты гажаны дышетылӥзы. Туж умой асьме пӧлын адӟем карымон, сьӧразы валтыны, ӟеч ужъёс лэсьтыны ӝуткась атайёс вань шуыса. Соослэн тыбыр сьӧразы ми юн крепость пушкын кадь. Мед ваньмыз нылпиос сое шӧдозы.

Адӟем карымон воргоронъёс

В. Беспалов


Нокин курытэк-косытэк, нылпиосыз понна сюлмаськыса, форумлэн ужаз пыриськиз Ижысь удмурт ужбергатӥсь Вячеслав Беспалов:

— Та форум сярысь Интернетысь лыдӟи, лыктытэк кылеме ӧз поты. Татысен робот лэсьтонъя кружокъёс сярысь пыр-почгес тодӥ — пимы та удысэн туж тунсыкъяське.
В. Беспалов кузпалыныз 5 нылпи будэто: пичиезлы 7 арес, бадӟымезлы — 14. Ваньзы соос К. Герд нимо гимназиын дышетско, спортэн эшъясько, пӧртэм ужрадъёсы мыло-кыдо пырисько.

С. Григорьев

Форуме лыктӥз Кияса ёросысь Вуж Салья гуртысь школаын технологилы дышетӥсь Сергей Григорьев но. Кузпалыныз соос 3 нылпи будэто, удмурт выжыысь луэмзэс возьматыса, шаерамы но палэнын ортчылӥсь вожвылъяськонъёсы пыриськыло, вормонъёс басьтыло. Сальялан атайёслэн огазеяськонзы кӧня ке ар талэсь азьло кылдӥз ни, ӵапак Сергей Григорьев соин кивалтэ. Гуртысь атайёсы кылем арын выжзэс тупатъязы, нылпи площадкаосты выльдӥзы.

Сыӵе мыло-кыдо бубыос пӧлысь быръемын вал Удмуртиысь атайёслэн огазеяськонзылы кивалтӥсь — Иж городлэн йырызлэн воштӥсез Дмитрий Чистяков. Со тодматӥз, кыӵе ужъёс бордын ужазы но азьланяз тыршозы городысь атайёс. Озьы, атайёс эскерыса потозы шутэтскон интыосты, кытчы нылпиос люкаськыны яратыло, аракыен лушкем вуз карисьёсты, пумиськылозы но ужрадъёс ортчытъялозы нылпи юртъёсысь пиналъёсын но трос мукетсэ.

Ангелина Снигирёва

Ангелина Снигирева
By Ангелина Снигирева Апрель 8, 2019 17:09
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<