Мар юрттоз кема улыны?

Ангелина Снигирева
By Ангелина Снигирева Апрель 12, 2019 13:06

Россиын ужпум пуктэмын: матысь 5 ар ӵоже улонысь дырызлэсь вазь кошкисьёслэсь лыдзэс ог 3 поллы кулэстоно, улон вапумез шорлыдын 80 аресозь вуттоно. Кызьы?

Шарканын ортчиз тазалыклы сӥзем форум

Гуртэ 115 эмъясьёс мынозы

Кун Кенешлэн Тӧроезлэн воштӥсез, Тазалыкез утёнъя, демография но семья политикая ялан ужась комиссилэн кивалтӥсез Надежда Михайлова верамъя, эмъян удысэз юнматон вылысь уката бадӟым саклык висъяно нырысетӥ юрттэт сётонлы. Таин валче Россиын, озьы ик Удмуртиын но, уно ужпумъёс чакламын, ужало федерал проектъёс. Кылсярысь, соос чотын матысь 3 ар ӵоже элькунысьтымы тазалыкез утён удысэ ог 3 миллиард манет вуыны кулэ Россилэн бюджетысьтыз, эшшо 1,3 миллиард манет пала висъяськоз элькун казнаысь.

— Поликлиникаосын специалистъёс уг тырмо, таин валче азинтӥськозы «Гуртысь эмчи» но «Гуртысь фельдшер» проектъёс, — пусйиз ялан ужась комиссиен кивалтӥсь. — Соос чотын шаерысьтымы эмъян учреждениосы туэ 75 врачъёс но 40 фельдшеръёс вуозы.

Элькунамы туэ Тазалыклэн арез ялэмын: медучреждениосын тупатъян ужъёс ортчытэмен, эмъян тӥрлык басьтэмен ӵош нимысьтыз саклык висъяськоз висёнъёсты алонлы. Озьы районъёсын ортчыло «Онкодесант», «Кардиодесант» ужрадъёс, тазалыкъя форумъёс, гуртъёсы потало питран вылын эмъян комплексъёс. Специалистъёс уг тырмо шуыса, калык шуге-леке вуыны кулэ ӧвӧл — гуртъёсы вуыло городъёсысь врачъёс.

— Кун Думаын 1-тӥ лыдӟемен юнматэмын трос калык люкаськылон интыосын дефибрилляторъёс (сюлэмлы ужаны юрттӥсь тӥрлык) пуктылон сярысь законлэн проектэз, — пусйиз Н. Михайлова. — Та кичӧлтон потӥз шаерысьтымы парламентарийёслэсь. Туж шумпотымон, сое умоен лыдъязы Москваын но. Дефибрилляторъёсты паськыт куто ни тросаз азинскем кунъёсын. Россиын арлы быдэ, сюлэмзы шӧдтэк шорысь кутыса, ог 300 сюрс мурт кулэ. Та пӧлысь ог 30 процентсэ утьыны луысал дефибриллятор юрттэмъя.

Урод сямъёслы пумит

Тазалыкез туж быдто тамак кыскон но вина юон. Соин ик та урод сямъёсын нюръяськоно огмылкыдын. Мар карыны луоно — Кун Кенешын уно кичӧлтонъёс вордско. Одӥгзэ, кылсярысь, депутатъёс эскерыны чаклало 22-тӥ апреле ортчоно сессиязы. Соос дэмлало: быдэ вуымтэос тамак кыско ке, та понна кыл кутытоно анай-атайёссэс, 2-3 сюрс манет тыриськон тупатыса.

— Та кичӧлтонэз ми сӥсъяса сямен поттӥм ялан ужась комиссиямы, — пусйиз Н. Михайлова. — Одӥг ласянь, валаськом: штрафез семьяос кисыысьтызы тыроно луозы — сотэк но бусьтыр уг уло. Но мукет ласянь, анай-атайёс кыл кутыны кулэ нылпиоссэс будэтон, тазалыксэс утён понна. Учком, мар шуозы депутатъёс сессиын. Дурбасьтӥзы ке, ӵектон келямын луоз Кун Думае.

Та сяна, туэ феврале депутатъёс кутӥзы закон, кудӥз быдэ вуымтэосты кальян, электрон сигаретаос, вейпъёс кыскон интыосы пыраны алэ. Тае туж вылӥ дунъяз ни Россиысь нылпилэсь правооссэ утёнъя уполномоченной Анна Кузнецова, мукет улосъёсты но адӟем карыны куриз. Эшшо туэ ик март толэзьысен тамак кысконлы пумит элькун закон уката чурыт каремын. Табере пурккетыны алэмын кивалтон ёзъёсы пырон дорысь 5 метрлы матынгес, транспорт дугдылонниосын, паркъёсын, трос калыкен ужрадъёс ортчытъян интыосын. Кылзӥськисьтэмъёслы тупатэмын штраф: нырысетӥзэ сюрыку — 1 сюрс манет, 2-тӥ ползэ — 2 сюрс манет.

Надежда Михайлова пусйиз, тамак кысконэз алӥсь закон азьланьын эшшо но чурытгес луыны быгатоз. Кылсярысь, али ик адямиос куро, трос квартираем коркаос азьын но кыскыны лэзёно ӧвӧл шуыса.

Чурытомыны быгатозы юонэн герӟаськем законъёс но. Кылсярысь, Кун Думаын али дэмлало: кудӟытӥсь юонъёсты 21 ареслэсь егитъёслы вузаны лэзёно ӧвӧл. Элькунысьтымы депутатъёс та кичӧлтонэн соглаш луэмзэс веразы ни.

Элина Кумачёва

Ангелина Снигирева
By Ангелина Снигирева Апрель 12, 2019 13:06
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<