Мар сярысь вералозы пужымъёс?

Ангелина Снигирева
By Ангелина Снигирева Апрель 12, 2019 09:36

Ижысь зоопаркын кылдӥз «Телеаллея», сӥземын со шаерысьтымы телевиденилэн «цифрае» выжонэзлы.

Пужым мерттӥзы кивалтӥсьёс но волонтёръёс

15-тӥ апрельысен Россиысь 20 улосъёсысь телевизоръёс выль амалэн ужаны кутскозы. Удмуртиын улӥсьёслэн но та нуналысен экранъёссы ӟечгес возьматыны ӧдъялозы. Шаермылэн улоназ таӵе бадӟым вамыш лэсьтон вакыт пыраклы вунонтэм кылёз — та сярысь ялан тодэ вайытозы зоопаркысь 20 пужымъёс. Соосты мерттыны люкаськылӥзы тодмо артистъёс, кылсярысь, Брангуртысь песянайёс, спортсменъёс, волонтёръёс, озьы ик — Правительстволэн Тӧроез Ярослав Семёнов, Россиысь телевидениея но радиовещаниея сетьлэн Удмурт ёзэныз кивалтӥсь Дмитрий Добродеев.

— Россилэн Президентэз В. Путин Федерал Собранилы туэ вазиськоназ шуиз: асьмеос ялан азинскыны кулэ, — пусйиз Ярослав Семёнов. — 21-тӥ даурлэн кутсконысеныз гинэ дышыны кутским сотовой телефонъёслы, планшетъёслы но мукет гаджетъёслы, нош туннэ соосын эшъясько ни 1-тӥ классэ ветлӥсьёс но, песянай-песятайёс но. Выльдӥське телевидение но. Кинлы мар учкыны кельше — сюосын каналъёс кылдытэмын. Нош матысь нуналъёсы аналоговой телевидениез воштоз цифровоез — телевизоръёсмы умойгес возьматозы, куаразы чебергес луоз, 20 каналэз вылӥ ӟечлыкен, дун тырытэк, учкыны быгатом.

Элькунамы улӥсьёс выль вакытлэн вуэмезлы дась мед луозы шуыса, трос валэктон уж нуиське, калык талы дасяське — кулэ тӥрлык басьтэ, ватсаз Правительстволэн Тӧроез. Собере Нырысетӥ каналэн радъям «Голос. Дети» телепроектлэн полуфиналаз потэм Арина Петроваен ӵош со 20 пужым пӧлысь одӥгзэ — Нырысетӥ каналлы сӥземзэ — мерттӥз.

Пужым мерттӥсьёс оскемзэс веразы, телевещанилэн выль вапумезлы сӥзем аллеяын калыклы шутэтскыны туж кельшоз шуыса. Писпуосты мерттэм бере люкаськем калыкез шулдыртӥзы на Брангуртысь песянайёс — писпуослы сӥзем кырӟанзэс быдэстӥзы.

Тодады вайытон вылысь: Россиысь вань улосъёсысь телевизоръёс «цифрае» выжозы туэ 3-тӥ июнёзь. Дунтэк но вылӥ ӟечлыкен учкыны быгатом Нырысетӥ канал, «Россия 1», «Матч ТВ», НТВ, Пятый канал, «Россия К»,

«Россия 24», «Карусель», ОТР, «ТВ Центр», «Рен-ТВ», «Спас», СТС, «Домашний», ТВ-3, «Пятница!», «Звезда», «Мир», ТНТ, «Муз-ТВ» каналъёсты, озьы ик кылзыны «Радио России», «Маяк» но «Вести ФM» каналъёсты.

Сергей Захаров

Туспуктӥз Эдурад Карипов

Ангелина Снигирева
By Ангелина Снигирева Апрель 12, 2019 09:36
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<