Кизилиос верало. 22-тӥ-28-тӥ оштолэзь

Ангелина Снигирева
By Ангелина Снигирева Апрель 22, 2019 10:03

Така.

Улэмдыя улэмды потоз. Шул-
дыр куазь мыл-
кыддэс лӧпкы-тоз, мытэм ужъёсты капчиен радъяськозы. Дыр вуэмын тодон-валандэс будэтыны, выль кылъёсты дышетон борды басьтӥськыны. Люкаськем сюлмаськонъёстэс пушкады эн возе, матысь эшъёсты котьку юрттыны дась.

Ош.

Огинтыяды пукыса, акыльтӥды ке, калыке поталэ, выль адямиосын тодматске. Чыры-пыры ужъёс борды эн кугӟалэ, токма шорысь керетонъёслэсь возиське. Вӧзысьтыды эшъёсты юрттыны дась луозы, оло, синмаськозы. Арня пумын кыдёкысь ӟеч ивор басьтоды.

Кыктоос.

Котьмалэн аслаз вакытэз. Бадӟым малпанъёстэс быдэстыны ӵапак дырыз. Огдыре 2-3 уж борды ӧд басьтӥське ке, котьма карыны вуоды. Семьядылы вожъяськисьёс шедёзы, соин ик мултэс эн ушъяське, кылдэс пинь сьӧрады возе.

Кисло-кусло.

Огсыр, адямиос косэмъя улыны дышемын, выль азинсконъёс басьтэмды по-тэ ке, чутрак воштӥськоно луоз. Ватсаса басьтэм тодон-валанъёстэс но уже кутэ, эшъёстылэсь но юрттэт курыны эн кепыралэ. Кузпалды акыльтӥз ке, нимаз шутэтске.

Лев.

Ӵапак дырыз шутэтскыны но азьланезлы кужым люканы. Мытэм ужъёсты капчиен радъяськозы, лушкем малпанъёсты быдэсмозы. Тазалыкты лябӟемын, омыретӥ тросгес поръялэ. Дыр шедьтэ эмъясьёс доры но ветлыны.

Нылмурт.

Арняды огыр-бугыр ортчоз: кытын ке ыштонъёс адӟоды, нош кытын ке барыш поттоды. Эшъёсты понна ужамдэс вылӥ дунъялозы. Луонлык шедёз ватсаса коньдон поттыны. Семьяен улӥсьёсты ӟеч ивор шумпоттоз, нош огназы улӥсьёс выль эш шедьтозы.

Весъёс.

Ужтэк уд чидаське, ки-валтӥсьтэс но тыршись луэменыды паймытӥськоды. Таяз арняе трос эскеронъёс пыр ортчоды. Али чиданды тырмиз ке, азьланяз капчиен шокчоды. Выль эшъёс шедьтоды, но солы сюлэмдэс усьтыны эн дыртэ. Сюрес вылэ потэмдылэсь азьло машина питранъёстэс эскере.

Скорпион.

Вань малпанъёсты уж вылын быдэсмозы. Азьвыл басьтыны быгатымтэ арберидэс дорады ваёды. Эшъёстылэн верамъёссылы эн оске — асьтэлэсь каре. Дыр вуэмын ватыса возем быгатонлыкъёстэс шараяны, выль удыс борды басьтӥськыны.

Ыбылӥськись.

Мытэм ужъёсты капчиен радъяськозы. Уксёлы уд ёрмиське ке но, сое кияды возьыны тырше, пунэм тыронъёстэс берыктэ. Корка пушкады утялтӥське, мултэс арбериостылэсь мозмытске. Гажандылы тросгес саклык висъяса, асьтэос но шудогес луоды.

Сюро кеч.

Дыр вуэмын шутэтскыны. Выль ужъёс борды эн бась-тӥське, нырысь ик йылпумъялэ азьвыл мытэмъёссэ. Котыр ласянь чаклаське среда нуналэ. Арня пумын тросгес саклык висъялэ семьядылы, нылпиостылы. Дыр вуэмын лушкем малпанъёстэс уж вылын быдэстыны.

Ву кисьтась.

Небыт сюлэмдэс шӧдыса, эшъёсты пӧр-тэм юанъёсын, ас сюлмаськонъёсынызы бордады тэбинёзы. Калыклы юрттӥськемды пайдаен берытскоз. Сакгес кариське, супыльтонъёслы эн оске. Арня пумын куное ветлэ яке чылкыт омырын семьяеныды шутэтске.

Чорыгъёс.

Котьку но калык азьын, ужа-
са но, шутэтскыса но вуиськоды. Эшъёс-тылы визь-кенеш сётоды, быгатэмдыя шуг-секытысь потыны юрттоды. Выль уж утчасьёслы ӵапак интыысьтызы вырӟыны вакыт. Малпамтэ шорысь кузь сюрес вылэ потоды но асьтэлы узыр эш шедьтоды.

Ангелина Снигирева
By Ангелина Снигирева Апрель 22, 2019 10:03
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<