Инты тырмемысь дугдӥз

Related Articles

• Ижын — куиськон арня 0 12.Авг
• Сюанзы курыт ӧй вал 0 03.Сен
• №57 06.08.2019 0 08.Авг

«Эмъясен поръян» ужрад сокем кельшиз ни Ижын улӥсьёслы — зоопаркын гинэ инты тырмемысь дугдӥз.

Берлозэ, 30-тӥ мартэ, со радъяськиз ни 2 интыын. Адямиос асьсэос бырйыны быгатӥзы: огдышем сямзыя зоопарке мынозы яке Труд урамысь 6 номеро поликлиникалэн залаз. Сояз но, таяз но площадкаосын буш ӧй вал!

Оглом 100-лэсь трос адямиос нош ик инструкторъёсын ӵош зарядка лэсьтӥзы, ӵошен поръязы, специалистъёслэсь визь-кенеш юазы, вирзӥбетсэс мертазы.

Нош лекциос пӧртэм темаослы сӥземын вал. Зоопаркын, кылсярысь, вераськизы туберкулёз сярысь. Медицина наукаосъя доктор, врач-фтизиатр Ольга Резникова пыр-поч вераз та кышкыт висёнлэсь утиськон амалъёс сярысь. Нош 6-тӥ поликлиникалэн залаз люкаськемъёсын пумиськылӥзы Сюлэм но сэр висёнъёсъя элькун больницаысь специалистъёс — кардиологъёс, ревматологъёс. Кенешизы лы висёнъёс пумысен.

Эмъясен поръяны ветлӥсьёс пусъё: та ужрад котыр ласянь туж пайдаё луэ. Трос выльзэ тодэм сяна, отын ӟеч мылкыд басьтыны, висёнъёс сярысь вунэтыны луэ.

Тодады вайытон вылысь: ужрадъёс ортчо толэзьлы 2 пол суббота нуналъёсы. Вуоноез пумиськон чакламын 13-тӥ апрельлы. Таза улонэн эшъяськонлы мода уг ортчы — вераськон луоз та темая.

Элина Кумачёва

Туспуктэм: Тазалыкез утёнъя министерстволэн пресс-службаез