Гракысь музейын Ашальчи Окилэн автобиографиез кылдӥз

Ангелина Снигирева
By Ангелина Снигирева Апрель 24, 2019 15:41
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Удмуртилэн Тӧроез А. Бречалов Гракысь музейлы тодмо удмурт кылбурчилэсь, врачлэсь Ашальчи Окилэсь документъёссэ кузьмаз.

М. Козлов

Кагазъёс Акилина Григорьевна Векшиналы «Удмуртиысь дано врач» ним сётон понна дасямын вылэм. Тӧро киысь дуно кузьымез басьтӥз Гракысь музейлэн кивалтӥсез Михаил Козлов.

— Ми понна тужгес дуно Лина Григорьевналэн ас киыныз гожтэм биографиез, — шуиз М. Козлов. — Сое со 49 аресказ гожтэм. Документэз лыдӟыса адӟиськод, макем Лина Григорьевна визьмо вал, гожтэмаз одӥг янгышез но, одӥг мултэсэз но ӧвӧл, лад-лад, рос-прос, чебер кылын гожтэмын. Со репрессия улэ шедьыса, кӧня ке пол пытсэт сьӧры келяллямын вал. Но та пумысен ӝожтӥськон кылыз-мылкыдыз чик уг шӧдӥськы. Быдӟым тылож кутскем дырысен 2 нунал гинэ ортчыса, Лина Григорьевна ачиз куриськыса, войнае кошкиз. Кӧня адямиослэсь улонзэс утиз, дораз 1946-тӥ арын гинэ берытскиз. Но документъёсын одӥг чур но та сярысь со уг вера, собыдӟа ӟеч лэсьтэм уженыз уг данъяськы.

Та нуналъёсы нырысетӥ удмурт кылбурчилэн документъёсыз поттэмын луозы Грак ёросысь Ашальчи Окилэсь нимзэ нуллӥсь музейлэн сайтаз.

Ангелина Снигирёва

Фото: udmurt.ru

Ангелина Снигирева
By Ангелина Снигирева Апрель 24, 2019 15:41
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<