Газетэз компьютерен уд вошты

Ангелина Снигирева
By Ангелина Снигирева 19 апреля, 2019 15:51
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Шаркан ёросысь Кыква гуртысь Екатерина Меньшикова почтаын ужаны кутскиз ар но ӝыны талэсь азьло, но та удыс борды со вань сюлмыныз бурмиз ни. Калыкен огкыл шедьтыны быгатӥсько, уже туж яра, шуэ Екатерина Леонидовна.

Е. Меньшикова, Т. Власова, А. Лебедев

Кыква поселениын «Удмурт дунне» газетлы гожтӥськисьёслэн лыдзы, ортчем арлэн та вакытэныз ӵошатыса, йылӥз. Почтальонэз газетмылэн Таукаронэныз но пичияк коньдон премиеныз пусъён вылысь кылем арня вискын вуылӥмы Кыква гуртэ. Ачиз Екатерина Леонидовна лапег гинэ мугоро, но пыдын ветлонлэсь, секыт сумка нуллонлэсь уг кышка. Азьвыл дӥсь вурон удысын но, лэсьтӥськонын но тыршем, но почтальонлэн но ужез сюлмызъя.

— Туала вакытэ егит калыклэн газетэз лыдӟемез уг поты ни, — вера Екатерина Леонидовна. — Интернетысь, пе, ваньзэ шедьтыны-лыдӟыны луэ. Нош мӧйыослэн газетэз, киязы кутыса, лыдӟемзы потэ. Бен компьютерысь ивор шедьтод, но отчы газетын мында ивор но, фото но пуктэмын ӧвӧл. Тазьы мон егитъёсты индылыны вырисько, газетъёслы мед гожтӥськозы шуыса. Ма, озьы ик вань ук: компьютер лултэм, нош газетэз кие кутӥськод но, нырысь бумага-буёл зынзэ шӧдӥськод, собере, газет чуръёс сюлэме золгес пыӵало, вань лыдӟемдэ-тодэмдэ ачид пыр поттӥськод кадь.

Ачиз Екатерина Леонидовна «Удмурт дунне» газетэз кемалась лыдӟе ини. Солы гожтӥськытэк уг кыльы. Нырысь ачиз лыдӟыса потэ, собере мамаез кияз кутэ. Озьы газет семьяямы киысь кие ветлэ, вожмаськыса кадь лыдӟиськомы, шуэ со.

— Калыкез газеттылы гожтӥськыны ӝуткасько бере, нырысь, пӧй, аслым тодоно ук, ма сярысь гожтэмын отын. Озьы подписка вакытэ нырысь калыклы звонитьтӥсько, гожтӥськон дунъёс сярысь верасько, гожтӥськон нунал тупатӥсько но коркась корка ветлӥсько. Тазьы, азьвыл ик кенешыса, подписка карыны лякытгес, тросэзлэн коньдонзы шуак уг лу угось. Озьы мӧйыослы почтае ветлоно уг лу, — веранзэ азьланьтэ Е. Меньшикова.

Кыква сяна, та поселение пыре на эшшо 5 гурт: Ёрмак, Альчи, Таклё, Коньык, Байбек. Котькудаз арня куспын 2 пол ке но вуылоно луэ. Транспорт но почтальонлы аслыз утчано. Пиналъёсты школае нуллӥсь автобусэ куриськисько, шуэ Е. Меньшикова.

«Удмурт дуннеос» сяна, та шумприч почтальонлы ӟеч кыл вераны вуизы на Воткаысь почтамтлэн кивалтӥсез Андрей Лебедев но Кыква поселенилэн администрациысьтыз специалист Татьяна Власова. Соос тау каризы калыкен быгатыса ужамез понна.

Елена Никитина

Фото: А. Снигирёва

Ангелина Снигирева
By Ангелина Снигирева 19 апреля, 2019 15:51
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<