Асфальтэз пыргытӥз лымы?

Ангелина Снигирева
By Ангелина Снигирева Апрель 15, 2019 15:04
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Шаерысьтымы но Ижысь кивалтӥсьёс, Транспортъя но сюрес хозяйствоя министерствоын ужасьёс, общественникъёс эскеризы шоркарын кылем арын лэсьтэм сюресъёслэсь но тротуаръёслэсь ӟечлыксэс.

Я. Семёнов но О. Бекмеметьев Ижысь сюресъёсты эскеро
Фото: udmurt.ru

«Кышкыт луисьтэм но ӟеч сюресъёс» программа чотын лэсьтэм сюресъёслэсь ӟечлыксэс эскерон вылысь нимысьтыз комиссия кылдытэмын. Отчы пырись адямиос 2 арнялы одӥг пол сюресъёсты чакланы потало. Нырысь ик эскеризы Ижысь Октябрьлы 10 ар ульчаез. Та сюрес пумысен Интернет вотэсын трос калык ас мылкыдзэ вераз.

Зэмзэ но, нырысь учкыса, сюрес вольыт кадь, матэгес кариськиськод ке, шекъёсыз адско ни вылэм. Выльдэм сюрес ог 2 иськем кузьда гинэ, со али ик пырдыны кутскемын. Правительстволэн Тӧроез Ярослав Семёнов ӝот-ӝот вераз: сюрес федерал программа чотын лэсьтэмын, куазь урод вал шуыса ӧпкелёнъёс но лулӟылонъёс луыны кулэ ӧвӧл. Шекъёс вань ке, тупатоно. Кылем арын сюреслэн та люкетэз 5 эскерон пыр ортчиз ке но, тырмымтэос шараямын ӧй вал. Тулыс сюресъёс небӟо, пырдо, шекъёс адскыны кутско. Сюресэз кышъяса тупатъяны уг яра, асфальтлэсь выл «шобретсэ» быдэсак воштоно.

Ижевск городлэн йырыз Олег Бекмеметьев верамъя, котькуд участоклы нимысьтыз акт гожтэмын, сое тупатъян дыр юнматэмын. Куд-ог гарантийной сюресъёслэн июль толэзе дырзы йылпумъяське, соин ик комиссие пырисьёсты ӝоггес ужаны косӥз, шекъёс вань ке, асьсэос ик сюрес лэсьтӥсьёс бервылзэс мед утялтозы, пе.

Коммунаръёслэн ульчаысьтызы тротуар брусчаткалэсь лэсьтэмын. Марысь-мар ке, сое капчиен сэрттыны луэ. Брусчаткалэсь лэсьтэм сюресъёс арысь аре тросгес луо. «Кышкыт луисьтэм но ӟеч сюресъёс» программа чотын сюресъёс дорысь тротуаръёсты но тупатъяны чакламын. Туэ 25 тротуарез выльдыны чакламын.

Нимысьтыз быръем комиссия, кылем арын лэсьтэм сюресъёсты сяна, 4 ар талэсь азьло лэсьтэмъёссэ но чакласа возёз. Соос гарантийной лыдъясько. Ижын гинэ сыӵе участокъёс 104 лыдъясько, со пӧлысь 43-ез кылем арын лэсьтэмын. Кызьы ивортӥз транспортъя но сюрес хозяйствоя министр Алексей Горбачёв, «Кышкыт луисьтэм но ӟеч сюресъёс» программа чотын выльдэмын 120 иськем сюресъёс: Ижын сяна, Глазовын 52 участок, Камбаркаын 8 участок.

Кылем арын шаерамы сюрес лэсьтонлы 1 миллиард 460 миллион манет висъямын вал ке, 2019-тӥ арын коньдон тросгес вуоз. Списоке шедемын Можга но Сарапул городъёс — быдэн 50 миллион манет висъямын, Воткалы — 25 миллион, Камбаркалы — 10 миллион.

Гурт сюресъёсты но палэнэ уз кельтэ. Федерал бюджетысь висъям коньдонлэн 67 процентэз гурт сюресъёсыз тупатъянлы висъяськоз. 2018-тӥ арын уже кутэмын вал 480 миллион манет. Со коньдонэн тупатъямын машинаосын шуг ортчоно 19 сюресъёс, соослэн кузьдалазы 67 иськем пала люкаське. Туэлы 30-зэ выльдыны чакламын.

Сюресъёслэн ӟечлыксы уг кельшы ке, котькуд адями аслэсьтыз малпанъёссэ шара вераны быгатэ: Ижын улӥсьёс — город администрацие 78-72-78 номеро телефонъя жингыртыса, нош мукет интыосын улӥсьёс — Транспортъя но сюрес хозяйствоя министерствое 8(3412) 48-05-00 телефонъя. Озьы ик Интернет вотэс пыр, «Дороги Удмуртской Республики» огинлэн «ВКонтакте» бамаз. Вань вазиськонъёс лыдэ басьтэмын луозы.

Валентина Емельянова

Ангелина Снигирева
By Ангелина Снигирева Апрель 15, 2019 15:04
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<