Адямиез космосэ келяз

Ангелина Снигирева
By Ангелина Снигирева Апрель 12, 2019 10:53

Юрий Гагаринэз космосэ дасянлы но келянлы трос кужымзэс сётӥзы уно тодосчиос. Пӧлысьтызы одӥгез — Михаил Мымрин. Солэн нимыз герӟаськемын Удмурт шаерен.

М. Мымрин

Михаил Григорьевичлы 1956-тӥ арысен 1964-тӥ арозь оскемын вал бадӟым уж — со кивалтӥз СССР-ысь Обороная министерство бордын кылдытэм 5 номеро управлениен. Ӵапак та ёз кыл кутӥз космосэз эскерон понна, выриз опытно-конструкторской разработкаосын, озьы ик инсьӧрез чаклась системаосты кылдытонэн.

Михаил Мымрин вордскемын Пичи Пурга ёросысь Быстрово гуртын 1918-тӥ арын крестьянъёслэн семьяязы. 7 классэз йылпумъяса, дышетскиз Ижысь коммунально-строительной техникумын, 1933-тӥ арын сое отличиен йылпумъяз. Бӧрысь дышетскыны пыриз Ивановоысь энергетикая институтэ. Сое йылпумъяса ӧз вутты, кутскиз Быдӟым война. М. Мымрин ожмаськиз Западной, Центральной, Белорусской фронтъёсын. Миномётной полклэн командирез но вал, стрелковой взводэн но кивалтӥз. Днепр шурын ожмаськонэ пыриськемез понна пусъемын Горд Знамя орденэн, Польшаез но Берлинэз тушмонлэсь мозмытэмез понна — А. Невский орденэн но Быдӟым Отечественной войналэн I степенё орденэныз.

Быдӟым ож пыр потыса, институтын дышетсконзэ йылпумъяса, рос-прос басьтӥськиз космической пространствоез эскерон, та удыслы кулэ луись техника кылдытон борды. Ужан нуналъёсыз ортчылӥзы ракетаосты лэзьянъя полигонъёсын но, научной институтъёсын но, Обороная министерстволэн пӧртэм ёзъёсаз но. Михаил Григорьевич бадӟым саклык висъялляз инме лэзем ракетаез пуштонлэсь утёнлы, озьы ик ракетной нападениез алонъя системаез кылдытонлы. Солэн ужъёсыз вылын табере будо-кыдало туала тодосчиос.

Пенсие потытозяз, Михаил Григорьевич тыршиз СССР-ысь Обороная министерстволэн научной исследованиосъя но опытно-конструкторской разработкаосъя управленияз кивалтӥсьлэн воштӥсез луыса. Со пусъемын СССР-лэн Кун премиеныз. Озьы пичи удмурт гуртын вордскем пияш ӝутскиз генерал-лейтенантозь, пыриськиз нырысетӥ адямиез космосэ келянэ.

1982-тӥ арын Михаил Григорьевич вуылӥз вордскем гуртаз. Ортчиз гольык пыд бызьылэм интыостӥз, гуртоосыныз адӟиськиз, атай юртэзлэн бервылаз туж кема малпаськыса сылӥз. Улонысь кошкон вакытэзлэсь матэктэмзэ шӧдӥз, лэся: вордскем палъёсыныз озьы люкиськиз. Нош одӥг но ӝыны ар ортчыса, Михаил Григорьевич югыт дуннеысь кошкиз. Ватӥзы сое Москваысь Кунцевской шайвылэ. Шайгу вылаз плита пуктэмын: отын вань туспуктэмез, Удмурт шаерын вордскемез гожтэмын.

Михаил Григорьевичлэн покчи вакытаз Быстрово шаерысьтымы бадӟым гуртъёс пӧлы пыре вал. Нош 1990-тӥ аръёсы хозяйство куашказ, гурт бырон калэ вуэмын вал ни. Но ӧз сётскы. Та вакытэ отын 27 юртъер лыдъяське. Туж умой луысал отын Михаил Григорьевич Мымринлы сӥзем синпелет усьтыны. Оскисько, улонэ пыӵалоз та малпан. Угось гурт улэп, отын вордскем геройёс вунэмын ӧвӧл ке.

Мария НИКИТИНА, Пичи Пурга ёросысь Вуж Мӧнья гуртысь шаерчи

Ангелина Снигирева
By Ангелина Снигирева Апрель 12, 2019 10:53
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<