Ӟеч атай но кылбурчи

Ангелина Снигирева
By Ангелина Снигирева Март 20, 2019 17:49
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

5-тӥ южтолэзе Национальной библиотекаын буре вайизы Иосиф Ивановез — Ф. Васильев нимо литературной премиен пусъем кылбурчиез, Россиысь Писательёслэн огазеяськонзылэсь ёзчизэ.

Иосиф Зотович вордскиз 1953-тӥ арын Алнаш ёросысь Улын Котныр гуртын. 1974-тӥ арысен со ужаз «Алнашский колхозник» газетын нырысь корреспондент, собере редактор луыса. Озьы со кема аръёс ӵоже вордскем палъёсыз но калыкез сярысь гожъяз. Та газетын ик нырысьсэ печатламын вал солэн кылбуръёсыз. Соку Иосиф Ивановлы 16 арес вал. Бӧрысь солэн чуръёсыз удмурт но ӟуч кылъёсын поталлязы Удмуртиысь пӧртэм изданиосын, нылпиослы «Мурзилка», «Костёр», «Колобок» журналъёсын. Кылбуръёсыз пор, чуваш, коми, калмык но мукет кылъёсы берыктэмын, пыртэмын удмурт «Букваре» но семьяен ӵош лыдӟыны чаклам книгаосы.

Пумиськонын Александр Шкляев критик Иосиф Ивановез «нылпиослы гожъясь удмурт писательёс пӧлысь берпуметӥез классик» нимаз.

Иосиф Зотовичлэн журналистын но редакторын ужамез сярысь мадиз УдГУ-ысь Удмурт кылосбуръя, финно-угроведениея но журналистикая институтысь профессор Александр Вахрушев. Нылпиослы гожъяськись кылбурчи сярысь вераськиз И. Ивановлэн эшез — Удмуртиысь калык писатель Вячеслав Ар-Серги.

И. Ивановлэн ны Ангелина Сидорова

Иосиф Зотовичлэн нылыз Ангелина Сидорова — Удмурт кылосбуръя, финно-угроведениея но журналистикая институтлэн директорезлэн воштӥсез — вераз, кытысь атаез сюжетъёс басьяз. Атаез пиналъёссэ туж яратэ вылэм, соос ик бурдъяллям сое гожъяськыны. Иосиф Зотович школае собраниосы ачиз ветлылэм, нылпиосызлэсь дорысь ужзэс эскерылэм. Пиналъёсыныз ӵош со суредаськыны яратэ вылэм. Нылпиосызлэн вормонъёссылы со туж шумпотэ вал, пе. Соин кылбуръёсыз небыт юморен тырмемын.

Кылбурчилэн нунокъёсыз но студентъёс Иосиф Ивановлэсь кылбуръёссэ удмурт но ӟуч кылъёсын лыдӟизы. Кылбурчилэн чуръёсызъя гожтэм выль кырӟанзэ быдэстӥз Дэри ёросысь Якшур гуртысь Николай Мерзляков бард.

Екатерина ЛЮБИЧ

Туспуктэмъёс басьтэмын Национальной библиотекалэн шаертодонъя но литиратурая ёзэтысь

Ангелина Снигирева
By Ангелина Снигирева Март 20, 2019 17:49
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<