Эмчитэк уз кельтэ

Ангелина Снигирева
By Ангелина Снигирева Март 11, 2019 14:20

Мар лэсьтыны чакламын Кияса ёросын матысь дыре? Та но мукет юанъёслы саклык висъяз Удмуртилэн Тӧроез А. Бречалов, калыкен пумиськылыкуз.

А. Бречалов кияса калыкен пумиське

Азьвыл шаерысьтымы соцобъектъёсты тупатъяны араз шорлыдын ог 60 миллион манет висъяськылӥз.

— Кылем арын эскерыса потӥмы, кыӵе югдурын асьмелэн школаосмы, нылпи садъёсмы, клубъёсмы, больницаосмы, — пумиськон дыръя шуиз Александр Бречалов. — Шараяськизы 641 воксё начар, кышкытлык кылдытӥсь соцобъектъёс. Соосты али тупатыны кулэ ог 3 миллиард манет. Уксё шедьтӥмы. Туэ Кияса ёросысь объектъёсты тупатыны висъялом 41 миллион манет.

Озьыен, туэ выльдэмын луозы: Атабай, Эльдыбай но Вуж Салья гуртъёсысь шор ёзо школаос, татысь ик культурая юртъёс. Воштоно укноосты, кышъяно липетъёсты, кытын но отын юнматоно фундаментсэ. Со сяна, выльдэмын луозы Мушковайысь нылпи сад, Косолаповоысь, Первомайскоеысь ФАП-ёс но мукет объектъёс.

Туэ тазалыклы сӥзем ар бере, гуртоосты сюлмаськытэ ёросысьтызы врачъёслэн ужамзы. Кылсярысь, Выль Тӥгырмен гуртын ФАП ӧвӧл. Ёрос центрозь пыдын уд вуы. Артысь Калашурозь — 4 иськем. Тӥгырменэ октябрьысен фельдшер ӧз вуылы ни. Кызьы тазьы улыны кулэ, залысен меӵак юан чузъяськиз. Ёрос больницалэн валтӥсь врачез Елена Костенкова верамъя, врачъёслэн бригадазы Выль Тӥгырменэ планъя потыны кулэ 7-тӥ июне. Но отчыозь кудкема ай.

— Диагностикая мобильной комплекс Выль Тӥгырмен пала ӧз вуылы на шуыса валасько. 4 толэзь участковой врачтэк — со воксё умойтэм. Матысь дыре ик отчы бригада ыстоно. Гуртын 100 адями улэ ке, участковой врач отчы толэзяз ичизэ 1 пол вуылыны кулэ, — чурыт вераз Тӧро.

Нялтас вераса, ёросын 29 врач, 80 медперсонал, 17 ФАП. Куд-ог мукет ёросъёсын сярысь, татын югдур умойгес ай. Но пыдлось гуртъёсын улӥсьёс куддыр капельница басьтыны но шугъясько. Сое угось секыт учыръёсы гинэ ФАП-ын пуктылыны лэземын, нош мукет дыръя ёрос больницае мыноно луэ. Остановкаын возьманы кезьыт, эшшо ке шугомыны быгатод. А. Бречалов та пумысен малпаськыны оскытӥз. Гурт поселениен кивалтӥсьёсты косӥз диспансеризация ортчон дырез, котькуд корка пыраса, ивортыны.

Но гуртоосты тазалык гинэ уг сюлмаськыты. Кылсярысь, жуг-жаг поттэм понна кулэм ӵыжы-выжыоссылы но тыриськон вуэмын. Залын пукисьёс пӧлын сыӵеосыз лачак люкаськемын вал. Ваньзэ выльысь лыдъялозы, учкозы улосысь операторлэн ужамез шоры но, шуиз А. Бречалов.

Елена Сараматова

Туспуктэм басьтэмын udmurt.ru сайтысь

Ангелина Снигирева
By Ангелина Снигирева Март 11, 2019 14:20
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<