Удмуртиын ужаны кутскиз «Прокурорен кенешон» проект

Удмурт Дунне
By Удмурт Дунне 22 марта, 2019 23:54

Соин валче Удмурт кун университетысь студентъёс но общественникъёс пумиськылӥзы Удмуртиысь прокурорен Артём Николаевен.

С. Хамзаев но А. Николаев

Проектэн тодматыны шаерамы вуиз Россиысь общественной палаталэн ёзчиез Султан Хамзаев. «Прокурорен кенешон» ужрад пӧртэм улосъёсын радъяськылэ ни. Солы 4 ар талэсь азьло кичӧлтон сётӥзы вал Удмуртилэн туннэ Тӧроез Александр Бречалов,  соку со Россиысь Общественной палаталэн секретарез вал, но телеведущая Санджи Тарбаева.

— Ужпуммы калыклэсь но законлэсь быдэсъяськемзэ чаклась ёзъёслэсь кусыпсэс тупатыны, — вераз С. Хамзаев. — Уж вылын адӟиськом, адямиос солы туж кулэясько шуыса. Угось куд-ог дыръя калык чик но уг тоды маин выре прокуратура, кыӵе юанъёсын но кызьы со доры вазиськыны луэ.

Егитъёс но общественникъёс быгатӥзы шаерысьтымы валтӥсь прокурорлы асьсэлэсь юанъёссэс сётъяны. Кылсярысь, соослы тунсыко потӥз кутэмын луоз-а 21 ареслэсь пиналгес адямиослы курыт юонъёсты вузан сярысь закон. Али та сярысь лэчыт кенешонъёс ӝутскемын.  

— Мон сое кутонлэн пайдаез сярысь 5-тӥ арзэ вераськисько ни, — шуиз Султан Султанович. – «ВЦИОМ» но «ФОМ» калык пӧлын юалляськон ортчытӥзы, 78 процентэз адямиос сое умоен лыдъяло, егитъёс пӧлын 60-65 процентэз солы дурбасьто.

Мукетыз юан герӟаськемын вал УдГУ, Медициная кун академия котырын усьтэм сур юонъя бар сярысь. Законэз тӥяса уг-а меда ужа со шуыса, эскерон ортчыны куремын вал. Озьы ик ужрадэ люкаськемъёс тунсыкъяськизы лэземын-а музъем ултӥ ортчись переходъёсын ӝог сӥён лэсьтонъя лавкаос усьтыны но трос мукетыныз.

Ужрадэз радъясьёс пумиськонлэсь пайдазэ пусйизы но сое ортчытонэз ӟеч сямлы пӧрмытыны кенешизы.

Ангелина Снигирёва

Туспуктӥз Э. Карипов

Удмурт Дунне
By Удмурт Дунне 22 марта, 2019 23:54
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<