Удмуртиын кутскон сётэмын «Урок трезвости» проектлы

Ангелина Снигирева
By Ангелина Снигирева 25 марта, 2019 16:55
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
С. Хамзаев

Арня пумын Удмуртие вуылӥз Общественной палаталэн ёзчиез, «Сазь Россия» проектлэн кивалтӥсез Султан Хамзаев. Со котырес ӝӧк сьӧры люкалляз шаерысьтымы кивалтӥсьёсты, общественникъёсты, огшоры калыкез. Ӵошен соос малпаськизы, кызьы урод сямез — курыт юонъёсын эшъяськонэз — улляно, уката ик со бордысь егитъёсты палэнтон понна зол уж мытэмын луыны кулэ, шуиз со. Эшшо Султан Султанович «Прокурорен кенешон» проектлы кутскон сётӥз.
Та лэчыт ужпумез сэрттон-пертчон понна кӧня ке пумиськонъёс радъяськизы. Нырысь ик Султан Хамзаев пумиськылӥз но котырес ӝӧк радъяз Удмуртилэн Тӧроез Александр Бречалов дорын. Отын кутскон сётэмын вал «Урок трезвости» ужрадлы. Со улсын шаерысьтымы школаосын таза улонлы сӥзем кенешонъёс радъяськылозы. Дышетонъя но наукая министр Светлана Болотникова ивортэмъя, матысь дыре сыӵе урок Ижысь огаз школаын ортчоз ни.
Таза но сазь улон сярысь нимаз пумиськон радъямын вал Кун Кенешын но. Отын вераськизы, кыӵе выль законъёс югдурез воштыны быгатозы. Депутатъёслэн ӵектонъёссы пӧлын, кылсярысь, вал курыт юонъёсты нимысьтыз солы чаклам лавкаосын гинэ вузалляны, соосты быдэсак утялтыны сиён-юонэн вуз карись лавкаосысь. Мукетъёсыз дэмлазы аракыез, сурез, винаосты адями син азьысь ватыны, кызьы али тамакен каремын. Озьы ик шуизы: школаос, больницаос, шутэтскон интыос дорын сыӵе интыос матын луыны кулэ ӧвӧл. Та сяна, курыт юонъёсын вуз карись ужбергатӥсьёс пӧлын валэктон уж нуыны ӵектэмын. Ваньмыз депутатъёс дур басьтӥзы 21 ареслэсь егитгес адямиослы курыт юонъёсты вузаны лэзисьтэм законэз кутонлы. Сое кутонэн соглаш карисько Россиысь 78 процентэз адямиос, таӵе лыдпусъёс сёто «ВЦИОМ» но «ФОМ» калык пӧлын юалляськон ортчытъясь огазеяськонъёс.

Устинов ёросысь калыкен пумиськон

Быдэс Россиын лэчыт ужпум сылэ трос квартираем юртъёсын усьтӥськылэм сур, вина вузан лавкаос, баръёс пумысен. Отын эскерымтэ курыт юонъёсын вуз каро, ӵукнаысен бер ӝытозь отчы шутэтскыны вуэмъёс ӵаш потто, азбаръёсты кырсёмыто — таӵе ӝожтӥськонъёссэс ысъяло Общественной палатае огшоры адямиос. Сыӵе баръёс ӧжыт ӧвӧл Ижкарын но. Соин валче городын Россиын нырысьсэ сыӵе интыосты шараян пумысен проект мытэмын Устинов ёрос администрация но Общественной палата куспын. Соин валче Султан Хамзаев та ёросысь калыкен пумиськылӥз. Отысь адямиослэсь со сюлмаськонъёссэс кылзӥз.

Ангелина Снигирёва

Фото: басьтэмын udmurt.ru сайтысь

Ангелина Снигирева
By Ангелина Снигирева 25 марта, 2019 16:55
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<