Сюрес медаз курдаты

Ангелина Снигирева
By Ангелина Снигирева Март 14, 2019 15:19

Та нуналъёсы Иже вуылӥз Россиысь Кышкытлыклэсь утиськонъя кенешлэн секретарез Николай Патрушев.

И. Комаров но Н. Патрушев тодматско «Калашников» концернэн

Президентлэн Приволжск федерал округъя оскем муртэныз Игорь Комаровен ӵош соос пумиськылӥзы ПФО-ысь улосъёслэн йыръёсынызы, федерал министерствоослэн кивалтӥсьёсынызы. Котрес ӝӧк сьӧры пуксьыса, соос сэрттӥзы-пертчизы кышкытлыклэсь утиськонэн герӟаськем ужпумъёсты. Кызьы нылпиез утёно умойтэм учконъёсты-мылкыдъёсты вӧлмытӥсьёслэсь, кыӵе амалъёс юрттозы шузимытӥсь суретъёсын нюръяськыны, кызьы эшшо но пайдаёгес радъяно пиналъёслэсь ваньмон дырзэс но трос мукет.

Ужрадын бадӟым саклык висъяськиз сюрес вылын кышкытлыклэсь утиськонлы. Нуналлы быдэ Россиын шудтэм учыръёсын бырыны шеде 50 адями, сӧсырме 600-эз. Н. Патрушев пусйиз: Президент В. Путин асьме азе курон пуктӥз — сюрес вылын бырон учыръёсты 3,5 поллы кулэстоно. Со понна эшшо но бадӟымгес саклык висъяно пассажиръёсты нуллонлы, пыдын ветлӥсьёсты кышкытлыклэсь утёнлы, правилоосты тӥясьёсты уголовной кыл кутонэ кысконлы но уно мукетызлы.

Н. Патрушев озьы ик вуылӥз «Калашников» концернэ. Отын со М. Калашниковлэн автоматэз вылын кылдытэм туала пыӵал тӥрлыкен, пӧртэм ож техникаен тодматскиз. Обороная предприятиослы заказъёс матысь аръёсы кулэсмозы. Заводъёслэн табышсы медаз усьы шуыса, улонын кутӥськись продукция тросгес поттоно, шуиз Н. Патрушев.

Сергей Захаров

Ангелина Снигирева
By Ангелина Снигирева Март 14, 2019 15:19
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<