Сакгес! Йӧ — векчи!

Ангелина Снигирева
By Ангелина Снигирева 27 марта, 2019 16:14

Удмуртиысь МЧС ивортэ, шуныт луэмен тулыс йӧ вылтӥ ветлыны кышкыт — кема ик ӧвӧл ву улэ кошкыны.

Арысь аре та пумысен адямиос пӧлын валэктон уж нуиське ке но, арлы быдэ ву улэ кошкем адямиос, бырисьёс шедё. Нырысь ик со чорыгасьёс но нылпиос. Ӵапак та вакытэ куд-ог школаосын каникулъёс кутскемын, соин валче анай-атайёслы, бадӟымъёслы сакгес кариськоно.
Тодыны кулэ, юн йӧ — чильпырась, лызпыръем яке вожпыръем буёло, со 10 сантиметрлэсь векчигес луыны кулэ ӧвӧл. Шакырес, ӵужалэс яке пурысялэс ке, со векчи луэмын ни, капчиен чигиське.
Удмуртиысь поисково-спасательной служба адямиос кышкыт учыре медам кемдэ шуыса, куд-ог дэмланъёссэс верало:

  1. Уг яра ветлыны кышкытлык сярысь верась ивортонъёсын пусйылэм интыостӥ;
  2. Уг яра ветлыны меӵ ярдуръёс котырысь йӧ вылтӥ — отӥ шур ӝоггес бызе, йӧ векчигес луэ;
  3. Уг яра йӧ вылэ трос кузя люкаськыны;
  4. Уг яра ярдурысен йӧ вылэ тэтчаны, бызьыса потыны;
  5. Йӧ вылтӥ мыныку палэнтӥ ортчоно ошмес синъёсты, бызись вуосты, куакъёсты;
  6. Шурез трос кузя выжыку, мыноно бӧрсьысь бӧрсе, ог-огедлэсь 5-6 метр вис возьыса;
  7. Чорыгаку пичи люкетын тросэтӥ пасьёс порыны уг яра. Тол чорыганэз яратӥсьёслэн сьӧразы, визнан сяна, луыны кулэ кузь 5 метръем гозы но кузь боды.

Кызьы юрттоно?

  1. Шедьтоно кузь боды, гозы яке шарфъёсты, еосты керттылоно;
  2. Кӧт пыдэс вылын, киосты но пыдъёсты пасьтана карыса, юрттэтлы кулэяськись адями пала нюжтӥськоно;
  3. Со дорозь кӧня ке метр вуытэк, боды сётоно, гозы куштоно;
  4. Адямиез шуныт интые вуттоно, кот дӥсьсэ кыльыса, мугорзэ зырано, пӧсь чай сётоно.

Сергей Захаров

Туспуктэм басьтэмын Удмуртиысь Поисково-спасательной службалэн сайтысьтыз

Ангелина Снигирева
By Ангелина Снигирева 27 марта, 2019 16:14
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<