Пу бордысь шуныт лыктэ

Ангелина Снигирева
By Ангелина Снигирева Март 13, 2019 10:20
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Киужъёсъя элькун юртын усьтӥськиз Ува ёросысь Узей-Тукля гуртысь усточилэн Геннадий Сидоровлэн нимаз адӟытонэз. (0+)

Г. Сидоров. (Туспуктӥз О. Кожемякина)

Суредаськон, пулэсь пӧртэм арбериос лэсьтон борды Геннадий Евгеньевич рос-прос басьтӥськиз 1982-тӥ арын. Со дырысен солэн ки улысьтыз сомында ужъёс потэмын — огезлэсь тунсыко мукетыз! Адӟытонъёсыз радъяськылэмын шаерамы но, солэн палэназ но. Геннадий Сидоров — Россиысь Суредаськисьёслэн огазеяськонзылэн ёзчиез, Удмурт Республикаысь культура удысын дано ужась, Удмуртилэн Кун премиезлэн лауреатэз.

Солэн ужъёсыз пӧртэм амалэн быдэстэмын ке но — я пӧртэм буёлъёсын кисьтаськись суред, я пулэз вӧлыса лэсьтэм зэмос синпелет — котькуд ужаз шӧдӥське вордскем палъёссэ яратэмез, удмурт калыклэсь сям-йылолъёссэ гажамез. Угось Г. Сидоров вань сюлмыныз бурмемын вордскем палъёсыз борды: Узей-Тукляын со вордскиз но кыдаз, отын суредаськись сямен нырысетӥ вамышъёссэ лэсьтӥз, отын ик табере кивалтэ кибашлыослэн юртэнызы.

Тужгес но яратоно материалэз — пу. Сое яратэм гинэ ӧвӧл, солэн пушказ ватэм чеберлыкез адӟыны но кыре поттыны быгатэ. Геннадий Евгеньевич вашкала усточиослэсь, пу вӧлӥсьёслэсь сям-йылолъёссэс азинтэ, нош соос нюлэслы-пулы йыбырттылӥзы, сое туж гажазы. Таӵе мылкыд кылдэ, Г. Сидоровлэн ужъёсыз шоры учкыса. Соин ик вашкалаосмылэсь, удмурт выжымылэсь кужымзэ, улон шоры учконъёссэ возьматыны тужгес но тупа пу — солэсь лыктэ шуныт, мугоре пыре кужым, шуэ усточи.

Геннадий Сидоровлэн трос ужъёсыз удмурт мифологилы, яратонлы, семьялы, инкуазьлы сӥземын. Пулэсь арбериосыз пичиесь но, бадӟымесь но: куд-огез ӝажы вылэ пуктон быдӟа гинэ, мукетъёсыз — паркъёсты чебертӥсь скульптураос, куинетӥосыз — зэмос синпелетъёс. Узей-Тукляысь ошмессы дорын сылӥсь синпелет ӵапак Геннадий Евгеньевичлэн ки улысьтыз потэмын. Гурт шорысьтызы Быдӟым ожын быремъёслы сӥзем синпелетсэс но та усточи ик кылдытӥз.

Геннадий Сидоров — пулэсь парковой скульптураосты кылдытонъя фестивальёсты-конкурсъёсты радъясьёс пӧлысь одӥгез. Солэн сюлмаськемез улсын элькунысьтымы уно гуртъёсты но городъёсты шулдырто ни пулэсь лэсьтэм аспӧртэмлыко синпелетъёс. Соос шоры синмаськыса учко но соос пыр удмурт калыклэн йылолъёсыныз тодматско будӥсь пиналъёс.

Елена ТУГАШОВА

Туспуктӥз Ольга Кожемякина

Ангелина Снигирева
By Ангелина Снигирева Март 13, 2019 10:20
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<