Пиналъёс бырйизы клоунэз

Ангелина Снигирева
By Ангелина Снигирева Март 14, 2019 16:07
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Цирк искусствоя 12-тӥ калыккуспо фестиваль ортчиз элькунмылэн шоркараз 6-тӥ-10-тӥ южтолэзе. 15 кунъёсысь вуэм яркыт артистъёс 5 нунал ӵоже шумпоттӥзы устолыкенызы.

Австриысь Дон Кристиан клоун

Фестивалез усьтыса, Удмуртиысь Правительстволэн Тӧроез Ярослав Семёнов пусйиз, котькуд ар ортчись фестиваль элькунмылэн улоназ одӥгез яркытэз ужрад луэ шуыса. Я. Семёнов верамъя, Удмуртия быдэс дуннелы тодмо Пётр Чайковскийлы, Михаил Калашниковлы, Галина Кулаковалы, Брангуртысь песянайёслы но пельняньлы луыса — таосын оградэ пыртыны луэ цирк фестивалез но.

Ижкарысь цирклэн манеж вылаз потазы акробатъёс, жонглёръёс, гимнастъёс, эквилибристъёс но клоунъёс. Фестиваль возьматӥз, макем турлы цирклэн дуннеез, кыӵе гинэ жанръёс отын уг пумисько. Кин ке паймымон арбериосты, техникаез ужаз кутэ, кинлы ке пӧйшуръёс юртто, мукетъёсыз адями мугорлэсь луонлыкъёссэ усьто.

Артистъёсты дунъязы пӧртэм кунъёсысь дано муртъёс. Пӧлазы — Монте-Карлоысь цирк искусствоя калыккуспо фестивальлэн вице-президентэз Урс Пилс (Монако), Сен-Поль-ле-Даксысь цирковой фестивальлэн президентэз Брюно Лалой (Франция), «Грандезза Интертэйнмент» компанилэн директорез Марко Биасини (Германия), КНДР-лэн Россиысь посольствоысьтыз 3-тӥ секретарь Ан Ын Чхол. Жюриен котьку сямен кивалтӥз Ижысь цирклэн азьвыл директорез, фестивальлэн одӥгез кичӧлтӥсез Дмитрий Иванов.

Таяз арын зарниен пусъемын Китайысь моноциклисткаос, КНДР-ысь омырын лобасьёс, Россиысь Владимир Дерябкин клоун, Россиысь канатоходецъёс (кивалтӥсьсы — Сайракан Суанбекова). Азвесь призёръёс луизы Россиысь эквилибристъёс но акробатъёслэн «За дверью» дуэтсы, озьы ик Великобританиысь A&J дуэт. Туй наградасты басьтӥзы США-ысь A&A дуэт, Россиысь Евгений Комисаренколэн пуныосыз, Испаниысь но Польшаысь «Акродримз» пара, Польшаысь манипуляция жанрын ужась Рафал Валуш.

Вормисьёсты ӟечкылаз Монаколэн принцессаез Стефания Мария Елизавета Гримальди — сое дуннеысь цирк искусстволэн утисез нимало. Принцесса фестивалез радъясьёсты ӧтемзы но шуныт пумитамзы понна тау кариз. Стефания Гримальди чакламъя, Ижкарын цирк фестивалез ӟеч-ӟеч радъяны быгато.

Артистъёсты озьы ик дунъяз покчиослэн жюризы. Быгатӥсь пиналъёслэсь кылдытэм жюри 3-тӥ арзэ ужа ини. Таяз арын нылпиослы тужгес зол яраз Австриысь клоун Дон Кристиан.

10-тӥ южтолэзе, фестивалез йылпумъяса, гала-концерт ортчиз. Ужрадэ вуылӥз Удмуртилэн Тӧроез Александр Бречалов. Со вазиськиз куноослы ӟуч но англи кылъёсын. А. Бречалов верамъя, Ижын ортчись калыккуспо фестиваль возьматэ: искусство но спорт, политикаын югдур шоры учкытэк, пӧртэм кунъёсысь адямиосты огазеяны быгато.

Сергей Захаров

Туспуктэм басьтэмын udmurt.ru сайтысь

Ангелина Снигирева
By Ангелина Снигирева Март 14, 2019 16:07
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<