Пенсия тырыны — ватсаса 19 миллион манет

Ангелина Снигирева
By Ангелина Снигирева Март 14, 2019 15:33
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Кун Думаысь депутатъёс «Улон-вылонын кун ласянь юрттэт сётон сярысь» федерал законэ воштонъёс пыртыны чаклало. Кун Кенешысь депутатъёс сое умоен лыдъяло — та сярысь мылкыдзэс веразы 6-тӥ мартэ ортчем сессиязы.

Депутатъёс проект ласянь кенешо

Вераськон мынэ ужасьтэм пенсионеръёслы социальной доплата тырон сярысь. Кун Думае законлэн проектэз вуиз 4-тӥ мартэ. Маин со герӟаськемын? Россилэн Президентэз Владимир Путин февраль толэзе Федерал Собранилы вазиськоназ шуиз: улыны чаклам минимумез будэтыса, пенсиос йылыны кулэ вал. Но куд-ог улосъёс куштӥськизы социальной доплата тыронлэсь. Озьы пенсиос будӥзы кыл вылын гинэ. Доплатаосты тыроно!

Та кылъёсты валэктӥз Кун Кенешлэн Тӧроезлэн воштӥсез, Тазалыкез утён, демография но семья ужпумъёсъя ялан ужась комиссилэн кивалтӥсез Надежда Михайлова:

— Доплата ӧз тыриськы ни бере, адямиослэн кӧтсы ӝож, асьсэды пӧямен лыдъяло. Соин ик таӵе валамтэос луыны кулэ ӧвӧл. Доплата тыриськыны кулэ, пенсия улыны чаклам минимумлэсь тросгес луыку но.

Законлэн проектаз верамын: доплатаос герӟаськемын луозы пенсионеръёслы улыны чаклам минимумлэн быдӟалаеныз ик. Туэ ар ӵоже кӧнялы со йылоз, вуоно арын сомындалы ик индексация лэсьтӥськоз.

Со сяна, проектын дэмламын: доплатаос тыриськыны кулэ ни 2019-тӥ арын 1-тӥ январьысен. Озьыен, та закон кутэмын луиз ке, доплатаосты ортчем толэзьёс понна но ватсалозы. Элькунысьтымы 38 сюрс ужасьтэм пенсионеръёслэн пенсизы йылыны кулэ. Та понна Россилэн казнаысьтыз элькунамы толэзьлы быдэ 19 миллион манет лыктоз. Нош быдэс Россиысь вань пенсионеръёслы доплаталы 19,9 миллиард манет пала кулэ луоз.

Кун Кенешысь депутатъёс федерал законлэн проектэз пала дурбасьтэмзэс огъя мылкыдын веразы. Та сярысь постановление келямын ни Россиысь Кун Думае.


Та нуналэ ик депутатъёс умоен лыдъязы на «ипотека каникулъёс» сярысь законлэсь проектсэ.

Таиз проект озьы ик кылдӥз Владимир Путинлэн Федерал Собранилы вазиськонэз бере. Дэмлаське: ипотека тырись мурт ужзэ ыштӥз, 1-тӥ, 2-тӥ группаен инвалид кылиз ке, 6 толэзьлы «каникул» басьтыны быгатоз. Таӵе луонлык сётыны озьы ик дэмлаське семьялэн доходэз 30 процентлэсь трослы кулэсмиз ке ипотека басьтэмез бере яке адями 2 толэзьлэсь кемалы больничное потэмын ке.

Элина КУМАЧЁВА

Туспуктэм басьтэмын udmgossovet.ru сайтысь

Ангелина Снигирева
By Ангелина Снигирева Март 14, 2019 15:33
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<