Ижын ортчиз ПФО округъя кенешлэн пумиськонэз

Ангелина Снигирева
By Ангелина Снигирева Март 12, 2019 16:18
И. Комаров но А. Бречалов

Россиысь Президентлэн Приволжск федерал округъя оскем муртэз Игорь Комаров ортчытӥз Приволжск федерал округъя кенешлэсь пумиськонзэс. Со радъяськиз Ижын Эшъяськон юртын.
Та ужрадэ пыриськизы ПФО-е пырись улосъёсысь кивалтӥсьёс. Куноосты пумитаз Удмурт Республикалэн Тӧроез Александр Бречалов. Пумиськон сӥземын вал егитъёслы — соослэсь быгатонлыкъёссэс усьтон амалъёслы, улонын асьсэды шедьтыны юрттонлы.

Пумиськонэз усьтыса, Игорь Комаров пусйиз:

— Кунмес азьланяз но тазьы ик ӝутыны-азинтыны мед быгатомы шуыса, бадӟым саклык висъяно будӥсь пиналъёслы, егитъёслы. Соос бордын угось странамылэн вуоноез. Нылпиосмы — со асьмелэн капиталмы. Али соослы макем бадӟым саклык висъяломы, макем шӧдскымон юрттэт сётомы — сокем зол азинскоз кунмы, сокем ӟеч луоз улонмы. ПФО-е пырись улосъёсын синмаськымон радъямын усточи пиналъёслы юрттон. Тае адӟиськомы кунамы но, кунгож сьӧрын но ортчылӥсь олимпиадаосъя: округамы пырись улосъёсысь нылпиос нырысетӥосыз радын.
Пумиськонын вераськемъёс пусъемъя, нылпиосын ужанэз радъяно таӵе ӧръёсъя: пиналлэсь усто луэмзэ шараян, солы усьтӥськыны но быгатонлыкъёссэ волятыны амалъёс кылдытон, нылпилэсь быгатонлыксэ вордскем музъем вылаз кутон.
Александр Бречалов вераз, макем ӟеч радъямын шаерамы усточи нылпиосты шараян но соослы юрттон. ПФО-ысь 5 улосъёс — пӧлазы Удмурт шаер но — туэ федерал центрысь юрттэт басьтозы, со чакламын пиналъёслэсь быгатонлыкъёссэс азинтонъя центръёсты выльдыны. Нош егитъёс сярысь верано ке, соос палэнэ медаз кошке шуыса, элькунысьтымы бадӟым предприятиос, кылсярысь, «Калашников» концерн, «Аксион» огазеяськон нимысьтыз программаоссэс пыӵато. Соос юртто егитъёслы улонын сюрес шедьтыны, пусйиз А. Бречалов.

Елена Тугашова

Туспуктэм басьтэмын udmurt.ru сайтысь

Ангелина Снигирева
By Ангелина Снигирева Март 12, 2019 16:18
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<