Европаысь дзюдоя огазеяськон вылӥ дунъяз Удмуртилэсь вуоно чемпионатлы дасяськемзэ

Ангелина Снигирева
By Ангелина Снигирева Март 21, 2019 10:42
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
Кенешон

Туэ ноябрь толэзе Удмуртиын 23 аресозь нылпиос но егитъёс пӧлын Европаысь дзюдоя чемпионат ортчоз. Кызьы шаерамы бадӟым ужрадлы дасько та нуналъёсы эскерыны вуылӥзы Европаысь дзюдоя огазеяськонлэн спортъя директорез Павел Ясеновский, огазеяськонысь адямиос Эдди Коаз, Яна Дмитриева, Мартин Пойгер озьы ик Россиысь дзюдоя федерациысь адямиос Валентин Хабиров, Николай Репин, Анатолий Ларюков.
Соос учкизы «Олимпиец» йӧ дворецез (татын уноез вожвылъяськонъёс ортчозы), «Парк Инн» гостиницаез, филармониез но мукет интыосы.

Кунгож сьӧрысь куноос

— Европаысь дзюдоя огазеяськонлэн конгрессаз кенешемын вал ӵошатсконэз Ижын ортчытыны, — вераз П. Ясеневский. — Удмуртия но Россия понна соос туж кулэ луись вожвылъяськон. «Олимпиец» дворец соосты ортчытонлы Европаын пуктэм куронъёслы тупа: татын туала залэз вань. Удмуртия вуоно ӵошатсконъёслы зол дасяське.
Удмуртиысь Правительствоын чемпионатэз радъян пумысен кенешон ортчиз на. Солэн ужаз сьӧрлось куноос сяна, пыриськизы Удмурт Тӧролэн но Правительстволэн администрациеныз кивалтӥсь Сергей Смирнов, Мугорез кыдатон культурая, спортъя но егитъёсын ужан политикая министр Наталья Гольцова, Ижлэн Тӧроез Олег Бекмеметьев.

Удмуртиысь кивалтӥсьёс

— Спорт площадкаосты но городэз вуоно ӵошатсконлы дасян бордын трос ужез ай. Дорамы Европаысь кужмоосыз спортсменъёс лыктозы, соос мед адӟозы городмылэсь чеберзэ, шӧдозы калыкмылэсь куно пумитаны быгатэмзэ, — вераз С. Смирнов.
Ужрадэз ортчытӥсьёс ӵошатсконэз сӥё-дано усьтыны чаклало, сое адӟыны мед быгатоз шаерысьтымы вань мылкыд карись.
Вожвылъяськон Удмуртиын 1-тӥ-5-тӥ ноябре ортчоз. Отчы пыриськозы 40 пӧртэм кунъёсысь 300 пала спортсменъёс. Ӵошатсконысь меӵак эфир радъямын луоз телевизор но Интернет пыр. Чемпионатэ лыктыны ӧдъяло Россиысь кун кивалтӥсьёс но.

Сергей Захаров

Туспуктӥз Э. Карипов

Ангелина Снигирева
By Ангелина Снигирева Март 21, 2019 10:42
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<