Гыро-кизё, ыбылӥсько…

Ангелина Снигирева
By Ангелина Снигирева Март 14, 2019 16:18

Тракторен биатлонлы кылем арын кутскон сётӥз Бадӟым Кивар гуртысь фермер Павел Кузнецов.

Гуртсэс кызьы ке сайкатон, калыкез огазеян вылысь ӵошатскон малпаз. Ёрос дурбасьтӥз. Туэ но Павел Кузнецов биатлонэз огез радъясь луэ, аслаз музъем вылаз ик ортчытэ но. Туэ Белоруссиысь но воргоронъёс вожвылъяськыны лыкто. Та нуналъёсы 4 «Беларус» тракторен вуизы ни.

— 30 пиосмурт но 2 нылкышно тракторен биатлонэ пыриськыны мылкыд каремзэ вераз, — шуэ Павел Кузнецов. — Куриськисез эшшо но тросгес. Но ваньзэсты кутыны уг луы — ӝытозь кыстӥськиз ке, калык пазьгиськоз. Кизнер, Глазов кемысь техниказэс Воткае вайыса медаз курадӟе шуыса, трактор висъяломы. Ваньзылэн ыбылӥськыны луонлыкъёссы огкадесь мед луозы шуыса, винтовка но асьмеос ик сётомы.

Судьяос учкозы тракторен умой но ӝог ворттылыны быгатэмзэс, шонер ыбылӥськемзэс. Тренировкае лыктэмъёслэн поглянъёссы улын лымы али ик ӟырда ни. Вормисьёслы кузьымъёс, сертификатъёс дасямын. Учкисьёслы но нимысьтыз ужрад чакламын.

Павел Кузнецовлэн азьланяз биатлонэз эшшо но тунсыко каремез потэ. Кылсярысь, масс-старт, эстафета радъяны луоз, шуэ. Али патент басьтонэн выре, аспӧртэм биатлонэз мукет улосъёс медаз кайпалтэ, со Удмуртие ик мед кылёз шуыса. Интернет пыр видео роликъёс вӧлмемен, асьме биатлонэн тунсыкъяськисьёс трос луизы угось.

Елена Сараматова

Туспуктэм басьтэмын udmurt.ru сайтысь

Ангелина Снигирева
By Ангелина Снигирева Март 14, 2019 16:18
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<