Ваньмон дырзэс капыртӥз крезьгур

Ангелина Снигирева
By Ангелина Снигирева 29 марта, 2019 11:07
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

20-тӥ южтолэзе «Новые имена» благотворительной фондлэн президентэз, Россиысь калык артист Денис Мацуев ӟечкылаз искусствоосъя 3-тӥ элькун марафонын вормем пиналъёсты.

Д. Мацуев нылпиосын пумиське

Искусствоосъя марафон нырысьсэ радъяськиз Ижысь Искусствоосъя 2-тӥ номеро П. Чайковский нимо школаын. Соку 5 час ӵоже пиналъёс, ог-огзэс вошъяса, фортепианоен шудӥзы.

2017-тӥ арысен Искусствоосъя 2-тӥ номеро школа марафонэз радъя Удмурт кун филармониен валче. Таяз арын со луиз «Чайковскийлэн дор палъёсаз» фестивальлэн оглюкетэз. Туэ ог толэзь ӵоже шаерысьтымы искусствоосъя, крезьгуръя школаосын дышетскисьёс понна радъяськизы крезьгуро инструментъёсын шудонъя мастер-классъёс. Соосты ортчытӥзы Москваысь П. И. Чайковский нимо кун консерваториысь, Гнесинъёс нимо кун академиысь дышетӥсьёс но тодмо музыкантъёс. Туэ нимысьтыз конкурс но мастер-класс радъяськиз суредаськись пиналъёс понна. Мастер-классъёсты нуисьёс бырйизы тужгес быгатӥсь нылпиосты — соос басьтӥзы И. Воронова нимо «Новые имена» благотворительной фондлэсь стипендизэ. Куд-огез гужем Суздале мыноз — отын арлы быдэ калыккуспо творческой школа ортче. Мастер-классъёсы пыриськем пиналъёс Денис Мацуевлэсь концертсэ учкыны быгатӥзы.

Марафонлэн пумаз егит усточиос асьсэос но сцена вылэ концертъёсын потазы. Флейтаен, фортепианоен шудӥсь пиналъёс Удмуртиысь кун сифмонической оркестрен шудӥзы, нош аккордеонэн, гитараен но домраен шудӥсьёс — «Золотая мелодия» оркестрен. Вань пиналъёс солистлэсь партиязэ шудӥзы.

Инна Гоц 7 арескысеныз флейтаен шудэ.

— Флейта мынам инструментэ, сямыя тупа, — вера Инна. — Ваньмон дырме мон школаын ортчытӥсько, урокъёсы ӧвӧл ке но. Мынам татын трос эшъёсы, мыным тунсыко соосын поэзия, история, музыка сярысь вераськыны.

Полина Белоусова фортепианоен 5 арескысеныз шудэ. Вань дырзэ со музыкалы сӥзе, нош гужем пыласькыны ветлэ. Полина верамъя, крезьгурчи тазаез, мугорез сярысь сюлмаськыны кулэ.

Мукет пиналъёс но пусйизы, музыка ваньмон дырзэс капыртэ шуыса. Крезьгурен вырыны капчи ӧвӧл ке но, пиналъёс ваньзы сямен улонзэс крезьгурен герӟаны малпало.

Анастасия Шумилова

Туспуктэм басьтэмын Культурая но туризмъя министерстволэн сайтысьтыз

Ангелина Снигирева
By Ангелина Снигирева 29 марта, 2019 11:07
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<