Барбиез удмуртомытӥз

Ангелина Снигирева
By Ангелина Снигирева Март 13, 2019 11:01

Ижысь Кузебай Герд нимо нылпи садысь ватсаса тодон-валан сётонъя дышетӥсь Светлана Зинкова киужен вырыны яратэ: вуриське, пӧртэм амалэн шудонъёс лэсьтэ.

С. Зинкова

Светлана Зинкова вордскиз Можга ёросысь Выль Бия гуртын. УдГУ-ысь удмурт филологияя факультетын со удмурт но ӟуч кылъёсты, литератураез дышетӥз. Университетэз йылпумъямез бере нылпи садэ ужаны интыяськиз. Светлана Васильевна Кузебай Герд нимо нылпи садын пиналъёсты удмурт кыллы дышетэ, соосын ӵош киужен выре.

— Киужез яратон анай-атаелэсь пыӵамын, — шуэ Светлана Васильевна. — Пичи дыръям весь адӟылӥ анаелэсь керттӥськыса пукемзэ. Атае туж кибашлы, улон-вылонын кулэ луись арбериос пулэсь лэсья. Мон нимысьтыз вуриськыны дышетски, табере пиналъёслы но, быдэ вуэмъёслы но удмурт шӧмо дӥсь пӧрмытъясько. Садикын ужакум, кутски мунёослы удмурт дӥськут вурыны. Та уж монэ бордаз кыскиз, барбиосты но удмурт кари ини. Ог ӝыны ар талэсь азьло шудонъёс керттыны кутски — нырысь схемаоссэ Интернетысь учкылӥ, али ачим малпасько ини. Мон весь вожъяськыса учкисько котьма карыны быгатӥсь адямиос шоры. Аслам но ваньмызлы дышетскыны мылкыды вань.

С. Зинковалэн гожъяськыны но мылкыдыз вань. Школаын дышетскыкуз, со удмурт кылын гожъяськонъя кружоке ветлылэм, кылбуръёс малпаллям, «Дась лу!» газетлэн юнкорез вылэм. Быдэ вуэмез бере гожъяськон мылкыдыз ӧз пуксьы. Садикын ужаса, кышномурт пӧртэм мероприятиослы удмурт кылын сценарийёс, выжыкылъёс, кырӟанъёс гожъя. Ужъёсыз «Вордскем кыл» журналын печатласько.

Светлана Васильевналэн чуръёсыз пӧртэм учыре кылдо. Алигес со 2 пиосыныз Вӧйдыр сиён — шекера — пӧрам. Талы сӥзьыса, С. Зинкова кылбур гожтэм:

Та-ра-ра, та-ра-ра,
Пӧралом ай шекера!
Мар кулэ — ваньзэ дасям,
Айшет керттӥм,
изьы дӥсям.
Ыльнянез ӵошен нырким,
Дуско вылын погыльтӥм,
Чебер форма кутыса,
Ыльнянез ӝог вандылӥм.
Табере гуре пуктом,
Ӝыны час пала витём.
Ух! Ческыт шекерамы,
Лыктэлэ ни дорамы!

Ангелина Снигирева
By Ангелина Снигирева Март 13, 2019 11:01
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<