Азвесен бертӥзы

Ангелина Снигирева
By Ангелина Снигирева Март 29, 2019 14:19

Кылем арня пумын Тюменьын ортчиз Россиысь 9-тӥ Гурт тол шудонъёс. Отчы пыриськизы 58 улосысь 1 сюрлэсь ятыр спортсменъёс. Удмуртилэсь данзэ утиз 28 мурт, пӧлазы вал Можга, Шаркан, Юкаменск но Эгра ёросъёсысь спортсменъёс. Огъя ӵошатсконын командамы азвесь медаль басьтӥз.

3-тӥ интыен бертӥзы Эгралась Клеменьевъёс

Удмуртиысь команда спортысь 9 амалъя ӵошатсконъёсы пыриськиз. Шумпоттӥзы Юкаменск ёросысь спортсменъёс. Полиатлонистъёс пӧлын Николай Злобин, Станислав Бекмеметьев, Любовь Злобина но Карина Зямбаева зарни медаль басьтӥзы. Н. Злобин нимаз ӵошатсконын чемпион луиз, нош К. Зямбаева — 2-тӥ инты басьтӥз. Скал кыскисьёслэн вожвылъяськоназы командаен азвесь медаль дорозь сузьтӥськизы та ёросысь ик «Урняк» но «Нива» гурт хозяйствоосысь Галина Ившина но Зульфия Арасланова. Таяз учыре соос куасэн бызьылӥзы, скал кыскон аппаратэз сэрттӥзы-пертчизы но гира ӝутказы. Пусйыны кулэ, нимаз ӵошатсконын но З. Арасланова азвесь медаль басьтӥз. Озьы ик командаен 3-тӥ инты басьтӥзы на шашкиен шудӥсьёс: Дмитрий Будин, Анатолий Веретенников но Елизавета Ворончихина.

Семьяос вал кыткыса ворттылӥзы

Шаерысьтымы мукет спортсменъёс но командалы вылӥегес ӝутскыны юрттӥзы. Озьы Эгра каргуртысь Клементьевъёслэн семьязы Владимир но Елена Егор пиенызы пыриськизы, комбинированной эстафетаын 6-тӥ инты, куасэн бызьылонын 1-тӥ инты, дартсэн шудонын 4-тӥ инты басьтыса, огъя зачётын бронза медаль утӥзы. Гира ӝуткасьёс пӧлын кужымзэс эскеризы Можга ёросысь воргоронъёс. Сюга гуртысь Юрий Иванов секталазыя 85 килограммлэсь секыт воргоронъёс пӧлын 2-тӥ инты басьтӥз.

Удмуртиысь команда, нош огъя зачётын 4-тӥ интыозь ӝутскиз. Таӵе бадӟым вормонъёссы тол ӵошатсконын ӧй вал на.

Валентина Емельянова

Туспуктэм басьтэмын Е. Клементьевалэн «ВКонтакте» вотэсбамысьтыз

Ангелина Снигирева
By Ангелина Снигирева Март 29, 2019 14:19
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<