100 метр гинэ ке но…

Ангелина Снигирева
By Ангелина Снигирева Февраль 8, 2019 11:35
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Кылем суббота нуналэ Ижысь «Зенит» стадионын «Лёд надежды нашей» ужрад ортчиз. Конькиен бызьылыны мылкыд карисьёс 500-лэсь трос люкаськизы. Покчи нылпиос 50 метре, бадӟымъёс 100 метре бызьылӥзы.

Вормисьёсты данъян

Нырысь ик стартэ потӥзы 1-тӥ но 2-тӥ классын дышетскисьёс. 50 метрез шок-пуль ортчизы, усьылӥсьёсыз но вал гинэ. Покчиос шоры шумпотыса учке та ӵошатсконлэн валтӥсь судьяез, шаерысьтымы Конькиен бызьылонъя федерацилэн ёзчиез Александр Иванов, угось таӵе ӵошатсконъёсын, пе, вуоно чемпионъёс кыдало.

— Конькиен бызьылӥсьёс берло дыре шаерамы туж ичи кылемын, — шуэ Александр Сергеевич, — нош мон ялан Совето Союзэз тодам вайисько. 1970-тӥ-1980-тӥ аръёсы Ижын улӥсьёс пӧлысь котькуд куинетӥез коньки вылэ султылэ вал, Ижысь спортсмен, мынам агае Владимир Иванов, соку дуннелэн чемпионэз луиз, тол Олимпиадае пыриськиз. Ижевскын гинэ 6 бадӟым йӧ катокъёс вал, спортсменъёс 400 метре но солэсь кузь дистанциосы бызьылӥзы. Троссэ катокъёсты Ижысь «Ижмаш» но механикая заводъёс эскерыса возизы, нош Глазовын — Чепца механикая завод. Выльдӥськон вакытэ заводъёс куштӥськизы ӟеч сямъёссылэсь. Спортэн эшъяськисьёс но ичи кылизы.

Ярано коть, берло дыре городысь азбаръёсын нош хоккеен шудон интыос кылдылӥзы, со катокъёсын конькиен нискыланы вырисьёс но адскыло.

— Берло дыре югдур тупатске. Куд-ог городъёсын но ёрос центръёсын йӧ дворецъёс усьтӥськемен, шорт-трек азинскыны ӧдъяз, — веранзэ азьланьтэ Александр Иванов. — Туннэ нуналлы йӧ коробкаосын мугорзэс кыдато ни Глазов городысь но Вавож черкогуртысь пиналъёс, Сарапул городын спортинвентарь витё, тренер шедьтэмын ни. Та нуналъёсы Можга городын выль каток лэсьтӥське, отын но секциос усьтӥськозы.

«Лёд надежды нашей» вожвылъяськон нылпиос понна чакламын бере, арлыдоос понна одӥг группа (30 ареслэсь бадӟымъёс) гинэ вал. Ӵошатсконэ тросгес пыриськизы Ижысь школаосын дышетскисьёс. Коньки вылын ӟеч сылыны быгатӥсьёслэсь фамилиоссэс асьсэлэн тетрадьёсазы гожтӥзы финишын ужась судьяос. Ма ватонэз, конькиен бызьылонъя спорт одӥгез дуноез луэ. Пиналъёслэн бызьылыны быгатонъёссы бордысь гинэ вормонъёс уг пото, соослэн асьсэлэн луыны кулэ нимысьтыз конькиоссы но дӥськутсы. Шаермылэн сборной командаяз шедем муртъёслы гинэ ӟечгес тӥрлык висъяське. Та ӵошатсконъёсын вормись нылъёс но пиос матысь дыре пыриськозы «Азвесь коньки» ӵошатсконлэн Ижын ортчоно вожвылъяськоназ, отын вормисьёс Приволжск улосэ кужымзэс мертаны мынозы. 2011-тӥ арын Россиысь ӵошатсконын вормисьёс пӧлы шедиз вал Ижысь Демид Ульянов, нош со бӧрсьы шаерысьтымы спортсменъёс вормонъёсынызы данъяськыны ӧз быгатэ ни.

Арлыдоос пӧлын вормисе потӥзы Елена Данасиенко но Амир Аглямов. Конькиен нискыласьёс вожъяськыса учкизы дуннелэн чемпионэз Владимир Иванов шоры. Таяз учыре со 2 мурт понна ужаз: судья но вал, 100 метрез спортсмен чотын но ортчиз. Вормисьёс пӧлы ӧз шедьы, серекъя: мон, пе, быгатонлыкъёсме волятӥсько, 100 метр со 10 иськем ӧвӧл ук. Угось 1975-тӥ арын со дуннелэн чемпионэз луиз, 10 иськеме бызьылыса.

Г. Григорьев

Воргоронъёс пӧлын вал на Пичи Пурга ёросысь Пугачёво каргуртысь 69 аресъем Геннадий Григорьев. Та ӵошатсконлы дасяськыса, арнялы быдэ 2-3 пол Ижевске ветлэм бадӟым стадионын конькиен нискыланы. Со понна нимысьтыз коньки но басьтэм. Ас вакытаз куасэн нискылам, шаерысьтымы ортчылӥсь ӵошатсконъёсы пыриськылыса, трос пол вормонъёс басьтылэм. Пенсие потыса но, тэк пуконэз уг тоды, арлы быдэ пыриське шаерысьтымы арлыдоослэн спартакиадаязы. Март толэзе со Вавожын ортчыны кулэ, Геннадий Иванович отын куасэн но конькиен бызьылыны дасяське.

Валентина Емельянова

Туспуктӥз Валентина Емельянова

Ангелина Снигирева
By Ангелина Снигирева Февраль 8, 2019 11:35
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<