Ялан выльзэ усьто

Ангелина Снигирева
By Ангелина Снигирева Февраль 13, 2019 16:04

21-тӥ феврале усьтӥськозы 22-тӥ Герд лыдӟонъёс. Конференция ортчоз Ижысь К. Герд нимо гимназиын.

К. Герд

Арлы быдэ ортчылӥсь Герд лыдӟонъёс удмуртлык понна сюлмаськисьёсты, удмурт интеллигенциез, удмурт нылпиосты огазеяло. Дано югдытӥсьмылэн ужъёсыз, улон сюресэз кӧня-кӧня эскеремын ни кадь. Но котькуд учыре шарае пото выль учыръёс. Сокем узыр но мур пуштросо вал Кузьма Чайниковлэн удмуртъёс понна мытэм но лэсьтэм ужез, улонэз. Тани туэ но конференцие люкаськемъёс эскерозы Кузебай Гердлэсь выль удмурт интеллигенциез будэтон удысын тыршемзэ. Национальной кадръёсты дасянлы угось со трос кужымзэ сётӥз. Кылсярысь, писатель Николай Кузнецов верамъя, ӧжыт эскеремын на К. Гердлэн Ува ёросысь Выль Мултан педтехникумез усьтон бордын тыршемез. Удмурт дышетӥсьёсты будэтонын угось та педтехникум но, Можга педучилище сямен, ас вакытаз трос лэсьтӥз. Конференция дыръя озьы ик эскерозы К. Гердлэсь «Бӧляк» общество кылдытэмзэ, интеллигенциез котыраз люкамзэ. Та но мукет темаосъя вераськон пыр трос вунэтэм нимъёсты усьтыны луоно, шуэ Николай Кузнецов.

Туннэ удмурт кадръёсты будэтӥсь луэ Ижысь К. Герд нимо гимназия но. Соин ик татын конференцилэн ортчемез туж пусйымон.

— Быдэс шаерысьтымы удмурт нылпиос но дышетӥсьёс Герд лыдӟонъ-ёсы лыктозы, конференциын асьсэ докладъёсынызы вераськозы, — вера гимназилэн директорез Татьяна Волкова. — Ужрад быдэсак удмурт сямен ортчоз бере, нылпиос дась луыны кулэ юанъёслы удмурт сямен валэктон сётыны. Палэнэ уз кыле гимназиысь пиналъёс но. Конференцие пыриськисьтэмъёсызлы но уж сюроз: куно пумитаны дасясько. К. Герд сярысь учыръёсты, пиналъёслэсь со сярысь малпанъёссэс али видеое гожъяло — конференция дыръя ролик возьматомы. Со сяна, гимназилэн юртаз чузъяськозы К. Гердлэн кылбуръёсыз. Нялтас вераса, удмуртлык бордын ужаммы Герд лыдӟонъёсын гинэ уг йылпумъяськы. Март толэзе «Шудкар» ужрад ортчытомы. Отчы но шаерысьтымы удмурт нылпиосты ӧтёмы. Удмурт кылэз утёнъя, культураез азинтонъя, удмуртъёслэсь сюлмаськытӥсь ужпумъёссэс сэрттонъя проектъёссэс утёзы, соосты азинтыны дышетомы. Ар ӵоже пӧртэм ёросъёсысь нылпиос но дышетӥсьёс ужалозы проектъёссы бордын, пумиськылозы гимназиын. Та ик нылпиосын эшъяськон но луоз. Удмурт нылпиосты огазеясь центр луон бордын тыршоз гимназия.

Герд лыдӟонъёс дыръя ик «Удмурт Кенеш» огазеяськон К. Герд нимо премиен пусъёз шаерысьтымы удмуртлыкез утён но ӝутон понна трос кужымзэс понэм адямиосты. 1999-тӥ арысен угось та премиез ӵапак Герд лыдӟонъёс дыръя сёто.

Елена Сараматова

Ангелина Снигирева
By Ангелина Снигирева Февраль 13, 2019 16:04
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<