Удмуртия но «Росатом» валче ужан сярысь огкыл гожтӥзы

Ангелина Снигирева
By Ангелина Снигирева Февраль 14, 2019 14:39

Сочиын ортче Россиысь инвестициосъя форум. Татын ужа Удмуртиысь делегация но.

А. Лихачев но А. Бречалов

Удмуртилэн Тӧроез Александр Бречалов но «Росатом» госкорпорацилэн валтӥсь директорез Алексей Лихачев валче ужан сярысь огкыл гожтӥзы. Со юрттоз Удмуртиын выль проектъёсты радъяны.
Озьы нырысетӥ вамышъёс лэсьтэмын луозы Глазовын ву сётон гумыосты выльдон понна. Та проект рос-прос радъямын ни. Нош инвестор Глазове вуиз ке, оскон вань, сисьмем гумыос выльдӥськозы, вуэз сузян туала куронъёслы тупалоз шуыса.

— ЖКХ удысысь услугаослэсь ӟечлыксэс вылэ ӝутыны кулэ. «Росатомен» валче ужаса, быгатомы пыӵатыны туала технологиосты, соин ӵош ЖКХ удысэ инвестициосты но кыскыны пӧрмытом, — вераз Удмуртилэн Тӧроез Александр Бречалов.
«Росатомлэн» валтӥсь директорез Алексей Лихачев пусъе: госкорпорация котьку сюлмаське калык сярысь, уката ик адями та предприятиен артэ улэ ке, соку город понна кыл кутон эшшо бадӟыма. Нош ЖКХ удысысь куашкам гумыос — Россиысь вань городъёслэн шугъяськонзы. Сое вормыны юрттоз государстволэн но нимаз ужбергатӥсьёслэн валче ужамзы.

Сергей Захаров

Туспуктэм басьтэмын udmurt.ru сайтысь

Ангелина Снигирева
By Ангелина Снигирева Февраль 14, 2019 14:39
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<