Удмуртиын «Промсвязьбанклэн» сервисной центрез усьтӥськоз

Ангелина Снигирева
By Ангелина Снигирева Февраль 21, 2019 11:13

Банклэн кивалтӥсеныз Пётр Фрадковен пумиськылӥз Удмуртилэн Тӧроез Александр Бречалов. Соос валче ужан сярысь огкыл гожтӥзы.
Соя «Буммаш» заводлэн азьвыл корпусаз банклэн сервисъя центрез усьтӥськоз. Татын 400 пала выль ужан интыос кылдозы. Озьы, банкен кусып тупатыса, элькунмылэсь экономиказэ но промышленностьсэ золгес азинтыны, калыклы юрттэт сётон удысысь ужпумъёсты тупатыны тросгес луонлыкъёс кылдозы.
Табере паськытгес азинскыны быгатоз шоро-куспо но покчи ужбергатон. 2024-тӥ арозь чакламын та удысэн вырисьёслэсь лыдзэс 245 сюрс муртозь будэтыны. Со понна ужбергатӥсьёслы юрттӥськись центръёсты огазеяно. Соос юрттэт басьтыны мед быгатозы одӥг интыысь, кылсярысь, МФЦ-ос пыр но.
Азьланяз чакламын банкен валче асьме ужбергатӥсьёслэсь поттэм вузъёссэс палэнэ вузаны юрттӥсь программаос дасяны.

— Банкен огкыл гожтон — со элькунмес но шоркармес азинтон, элькунмылэн бюджетаз вуись выль налогъёс. Банкен ӵош ми быгатомы выль проектъёс бордын ужаны, — вераз А. Бречалов.

— Ми ужаськом Удмуртиысь вань предприятиосын. Нимысьтыз кусып возиськом оборона удысын тыршисьёсыныз. Малпасько, Ижкарын центрмес усьтыса, ум янгышаське — татын вылӥ тодон-валанэн ужасьёс тыршо. Нош азьланяз со луонлык сётоз татысь вузъёсты йылпумъям егитъёсты уже интыяны но, — вераз П. Фрадков.

Сергей Захаров

Туспуктэм басьтэмын udmurt.ru сайтысь

Ангелина Снигирева
By Ангелина Снигирева Февраль 21, 2019 11:13
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<