Пельняньлы сӥзем фестивальын 7 тонна пельнянь сиемын

Ангелина Снигирева
By Ангелина Снигирева Февраль 11, 2019 13:25

1-тӥ февральысен 9-тӥ февралёзь шаерамы пельняньлы сӥзем фестиваль радъяськиз. Отчы пыриськиз 30 сюрс адями. Ческыт ужрад борды итӥськизы Россилэн пӧртэм городъёсыз, озьы ик Финляндия но Китай. Мар ортчиз пӧртэм интыосын адӟыны луиз меӵак эфир пыр фестиваль дыръя.
9-тӥ феврале Ижысь шор площадьын пӧртэм мастер-классъёс, конкурсъёс, шудонъёс, спорт вожвылъяськонъёс ортчизы, чузъяськизы кырӟанъёс, вуз каризы киужъёсын, пельнянен.
Ижкарын улӥсьёсты но куноосты бадӟым сцена вылысен ӟечкылаз Удмурт Правительстволэн Тӧроез Ярослав Семёнов:

— Ми 5-тӥ арзэ та бадӟым праздникез ортчытӥськом ни. Арысь аре со паськыта, отчы тросгес калык пыриське. Пельнянез табере семья куспын кухняын гинэ уг куто ни. Сое пӧрало школаосын, нылпи садъёсын, ӵош ужась эшъёсын валче. Оскисько, фестиваль вань калыкмес огазеяса, шаермес азинтыны юрттоз.
Ужрадъёс дыръя Богдан Анфиноген кырӟам улсын 100-лэсь трос адями эктонъя флеш-мобе пыриськиз. Калыкез шулдыртӥзы «Италмас», «Шулдыр ӝыт», «Ӟардон», «Айкай» ансамбльёс, Брангуртысь песянайёс.

Шор карлудын пӧсь вал вожвылъяськонъёслэсь но. Вань мылкыд карисьёс понна ортчизы «Тупен шудон», «Кукей бичаса», «Пельнянькей» шудонъёс. Кырӟаны быгатӥсьёс «Рэпушки» конкурсын нюръяськизы — такмакъёс быдэстӥзы. Пельнянь кутӥсь ужбергатӥсьёс куспын ческытсэ сиён лэсьтӥсь предприятиез бырйизы но «Зарни пельнянь» премиен пусйизы. Ужрадэз йылпумъяса, калык пӧлын быдэс арлы тырмымон пельнянь но пызь шудытӥзы.

Сергей Захаров

Туспуктэм басьтэмын udmurt.ru сайтысь

Ангелина Снигирева
By Ангелина Снигирева Февраль 11, 2019 13:25
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<