Партилы — выль кужым

Ангелина Снигирева
By Ангелина Снигирева Февраль 22, 2019 13:47
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Ижын ортчиз «Огъя Россия» партилэн Удмуртиысь отделениезлэн 31-тӥ конференциез.

Солэн ужаз пыриськизы партилэн Приволжск федерал округъя координационной советэзлэн кивалтӥсезлэн воштӥсез Рамзил Ишсарин, Удмуртилэн Тӧроез Александр Бречалов.

Партилэн уставез выльдӥськемен, конференциын дырызлэсь вазь дугдытэмын секретарьлэн, политсоветлэн ёзчиосызлэн но президиумлэн полномочиоссы. Озьы валтӥсь юанъёс пӧлын вал кивалтӥсь ёзъёсты выльдон. Соослэн радазы пыризы Кун Кенешысь но Правительствоысь, ёрос отделениосысь, бизнесысь но мерлыко огазеяськонъёсысь адямиос.

Секретаре 2 кандидат ӵектэмын вал — Кун Кенешлэн Тӧроезлэн нырысетӥ воштӥсез Владимир Невоструев но Кун Кенешысь «Огъя Россия» фракцилэн кивалтӥсез Анатолий Наумов. Данакез делегатъёс дурбасьтӥзы В. Невоструевлы, озьы со выльысь секретаре быръемын.

Владимир Петрович политсоветэ пырыны ӵектӥз Удмуртилэн Тӧроезлы Александр Бречаловлы.

Александр Владимирович, оскемзылы тау карыса, соглаш луэмзэ вераз:

— Та дырозь мон партилэн ужаз ӧй пыриськылы. «Огъя Россие» пыри кылем арын гинэ, декабре мыным билет сётӥз Россилэн Правительствоезлэн Тӧроез Дмитрий Медведев. Зэмзэ ке, сыӵе ӵектонъёс вал азьло но, но соку партия умой ужаз, мынам юрттэтэ кулэ ӧй но вал, дыр. Али югдур мукетгес. Партилы дурбасьтоно, юрттоно. Кин ке но малпа, «Огъя Россилэн» ёзчиез луыны лякыт. Ӧвӧл! Мон малпамъя, капчигес мукет партиын, малы ке шуоно вань мукетъёсыз — со оппозиция. Нош отын зол тыршонэз но ӧвӧл, курла гинэ…

Властьлэн партияз луон понна бадӟым кыл кутон луыны кулэ. Тыршом ужаны. Но нырысь ик котькудӥз ас интыяз усто луыны, зол ужаны кулэ. Арнялы быдэ мукет адямиос понна одӥг ке но ӟеч уж лэсьтыны! Уксётэк, номыре возьматэк. Соку партилэн данэз ӝутскоз. Асьмелэн вань ӟеч примеръёсмы, синмаськымон адямиосмы. Кылсярысь, Сьӧлта ёросысь Парсьгуртысь ужбергатӥсь Леонид Столбов сюлмаськемен, гуртэ газ вуиз. Ойдолэ выль кужымен выль проектъёс борды басьтӥськоме. Со сяна, ужамы кысконо огшоры калыкез.

Оглом политсоветэ быръемын 64 мурт. Со сяна, 15 мурт быръемын президиуме.

Зинаида Рябинина

Туспуктэм басьтэмын udmurt.er.ru сайтысь

Ангелина Снигирева
By Ангелина Снигирева Февраль 22, 2019 13:47
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<