Лыдъя кӧня сиемдэ!

Ангелина Снигирева
By Ангелина Снигирева Февраль 8, 2019 10:44

1-тӥ тулыспалысен Удмуртиын ортче «Пельняньлэн калыккуспо нуналэз» фестиваль. Та дыре Ижкарын ужало пӧртэм мастер-классъёс.

3-тӥ февральысен пӧраськыны яратӥсьёс люкаськыло Ижысь кафеосын, ресторанъёсын но пӧраськонъя клубъёсын. Огазьын пӧрало пельнянь выжыысь пӧртэм сиёнъёсты: грузинъёслэсь хинкализэс, итальянецъёслэсь равиолизэс, дагестанецъёслэсь курзезэс, бурятъёслэсь буузызэс…

«Облака» пӧраськонъя клубын Брангуртысь песянайёс покчиосын пумиськизы, возьматӥзы соослы асьсэлэсь пельнянь кутон амалзэс. Та ужрадын люкам коньдон секыт висёнэн курадӟись Аня Кривенкоез эмъяны мыноз.

Мастер-классъёсты ортчытъясь кафеос, пельнянь кутӥсь предприятиос вожмасько «Зарни пельнянь» премия понна. 5-тӥ тулыспалэ ижкаръёс веръязы ни пӧртэм пӧрасьёслэсь пельняньёссэс. Калыклэн малпанэз лыдэ басьтэмын луоз, премиез сётыку. Куараез сётыны луэ фестивальлэн вотэсбамаз: www.pelmenfest.ru.

Фестивалез радъясьёс тодо: пӧраськем-сиськем бере мугорез зуркатоно! Удмурт калык шудонъёс люказы калыкез Ижкарысь 5 азбаръёсын. Бадӟымъёс но пичиос шулдыръяськизы фестивальлэн пусэныз ӵош — Пельмешекен. Капкаен шудон, небыльток но «Ӟазег уя, ӵӧж уя» шудонъёсы пыриськыса, пиналъёс но бадӟымъёс кырӟазы но эктӥзы, бызьылӥзы но серекъязы.

Тросгес пельнянь сием мед потоз шуыса, нырысь ужано. Выль ужлы дышетскыны мылкыд карисьёслы пӧртэм интыосын мастер-классъёс ортчо. Отчы пыриськисьёс фестивалез тодэ вайытӥсь кузьымъёс лэсьтӥзы: мунё, чигвесь, кипоскес, дуско, шулан, басмалэсь шудонъёс, гынлэсь арбериос. «Галерея» адӟытон центрын пельнянь сярысь комикс суредазы. Эшъяськон юртын Кучыран Юри но Жон-Жон Сандыр суредаськисьёс дауртон-вырон ортчытӥзы.

Пӧртэм конкурсъёсы пыриськыса, кузьымъёс утыны луэ. Кылсярысь, вуж мясорубкаез тужгес чаляк бичасьлы выль сӥль коран машина кузьмалозы. Нош «Шудо пельнянь» акциын вормись 50 килограмм пельнянь утоз.

Фестивальлэн сайтаз ошемын аспӧртэмлыко счётчик. Со возьматэ, фестиваль ӵоже кӧня пельнянь сиемын вал. Номерез печате лэзён дыръя со возьматэ вал 302 сюрс 650 лыдпусэз. Тӥ но сое йылэтыны быгатӥськоды — со понна, вотэсбаме пырыса, гожтэ, кӧня пельнянь сииды, фестиваль мыныку.

Фестиваль кыстӥськоз 9-тӥ февралёзь — ӵапак та нуналэ Ижкарысь Шор площадьын ортчозы гала-концерт, ярмарка но конкурсъёслы йылпумъянъёс.

Виктория Крамова

Туспуктэм басьтэмын «Всемирный день пельменя» огинлэн «ВКонтакте» бамысьтыз

Ангелина Снигирева
By Ангелина Снигирева Февраль 8, 2019 10:44
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<