Ижысь 17 номеро школаын ортчиз «Этнографическая карусель» фестиваль

Ангелина Снигирева
By Ангелина Снигирева Февраль 22, 2019 14:23
60 номеро школаысь «Эмезьёс» команда

Отын чузъяськизы удмурт, ӟуч, бигер кылъёс, кырӟанъёс, кылбуръёс, возьматэмын вал та калыкъёслэн культуразы но сям-йылолъёссы. Озьы кӧня ке город школаосысь нылпиос мылкыд каризы пыриськыны «Этнографическая карусель» фестивале. Со анай кыллэн калыккуспо нуналызлы сӥземын вал.

— Куинетӥ арзэ ини 5-тӥ-7-тӥ классысь нылпиосты анай кыллэн калыккуспо нуналыз азьын та фестивале люкаськомы, — вера Ижысь удмурт кылъя но литературая дышетӥсьёслэн огазеяськонэнызы кивалтӥсь Елена Ямщикова. — Бадӟым нылпиос анай кылзэс тодон-валанзэс «Тол шудонъёсын» возьмато ке, покчигес нылпиос палэнэ кылё кадь потӥз. Соин та фестивалез радъяно кариським.
Озьы нылпиос асьсэ командаенызы тодматӥзы. Кылсярысь, 60 номеро школаысь «Эмезьёс» табань «пыжизы», удмурт кырӟан быдэстӥзы, куно пумитазы. 56 номеро гимназиысь нылпиос «Ӟазег уя, ӵӧж уя» шудӥзы. Визь сынан люкетэз дыръя пиналъёс удмурт шаерзэс тодэмзэс возьматӥзы — синпелетъёсты тодмазы, юанъёслы валэктон утчазы. Пусйыны кулэ, котькуд командалэн ужаз пыриськыны кулэ вал одӥгез нылпилэн анай-атайез.
Анай-атайёс понна но нимысьтыз вожвылъяськон дасямын вал. Соос пӧртэм выжы калыкъёслэсь сиёнзэс тодмазы, кызьы со пӧраське веразы но сиёнлы аспӧртэмлыко реклама лэсьтоно вал.
Озьыен, вань конкурсъёсты лыдэ басьтыса, вормизы 56 номеро гимназиысь «Дэмдорчиос» команда, 2-тӥ луизы 74 школаысь «Пламяос», 3-тӥ интые потӥзы 56 номеро гимназиысь «Покчиос-дэмдорчиос».

Ангелина Снигирёва

Ангелина Снигирева
By Ангелина Снигирева Февраль 22, 2019 14:23
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<