Ижын ортчизы «Однополчане» но «Армейский рубеж» акциос

Удмурт Дунне
By Удмурт Дунне 23 февраля, 2019 16:14
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Туннэ, 23-тӥ феврале, Атыкай музъемез утисьёслэн нуналаз Ижысь Вормон скверын «Однополчане» но «Армейский рубеж» акциос ортчизы. Отчы пыриськиз Удмуртилэн Тӧроез Александр Бречалов.

Синпелет доры люкаськизы кун кивалтӥсьёс, пӧсь интыосын ожмаськем ветеранъёс, кадетъёс, общественникъёс но вань мылкыд карисьёс. Афган, Чечня но мукет ожмаськонъёсы пыриськем ожгарчиос «Однополчане» акцие пыриськизы.  Соос, бырем эшъёссэс буре вайыса, синпелет доры сяська кертэттъёс тыризы. Троссэ та воргоронъёсты армия но кыдатӥз, эшъяськыны, ваньзэ чиданы дышетӥз.

Нош «Армейский рубеж» акция дыръя вань мылкыд карисьёс огдырлы солдат луыны быгатӥзы но нимысьтыз кылдытэм шуг-секытъёс пыр орчизы. Та ужрад улсын Ижысь но шаерысьтымы кырӟась коллективъёс куспын солдат кырӟан быдэстонъя вожвылъяськон ортчиз.

Та сяна, скверын люкаськем калыклы быгатэмзэс возьматӥзы патриотической клубъёсысь егитъёс, кинологъёс, страйкболъя Удмуртиысь Федерация. Озьы ик калык азьын средневековьеысь ожмаськон возьматэмын вал, со вакытысь ожгарчилэсь дӥсьсэ мертаны, мечъёсын но щитъёсын ожмаськыны  быгатӥз ваньмыз мылкыд карись.

Ортчизы Калашниковлэсь автоматсэ сэрттонъя но бичанъя, морской гердъёс керттонъя мастер-классъёс, усьтэмын вал пӧртэм ожтӥрылкен адӟытон.

Озьы ик скверын «УдмуртияЗащищает» акцилэн финалэз радъяськиз. Туспуктэмъёсын магнитъёс скверын поттэмын вал. Та сяна, татын утялскыны луиз солдат ӝукен но ческыт чаен.

Сергей Захаров

Туспуктэмъёс басьтэмын http://www.udmurt.ru сайтысь

Удмурт Дунне
By Удмурт Дунне 23 февраля, 2019 16:14
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<