Иже вуэмын дуннеысь тодмо боксёр, Олимпийской чемпион Александр Поветкин

Ангелина Снигирева
By Ангелина Снигирева Февраль 4, 2019 16:06
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Туннэ со Ижысь боксъя «Золотая перчатка» выль нылпи залэз усьтонэ пыриськиз.
Со лэсьтэмын «Подросток» центрлэн юртаз Ижысь город администрацилэн но Удмурт Правительстволэн сюлмаськемзыя. Солы Ижын вордӥськем боксёрлэсь Андрей Абрамовлэсь нимзэ понэмын. Со 1950-1960-тӥ аръёсы дуннеысь одӥгез кужмоез спортсмен вал. Зал пичи ке но — ог 180 квадрат метр гинэ — но со туала амалъя лэсьтэмын, ваньмыз спорт тӥрлыкез вань.
Секцие туннэ нуналлы 51 нылпи ветлэ ни, соос мугорзэс кыдато 3 тренер бордын.

— Пичи залысен чемпионъёс будо, — вераз залэз усьтонэ пыриськем Удмурт Правительствоелэн кивалтӥсез Ярослав Семёнов. — Туэ элькунамы Тазалыклэсь арзэ мытӥмы. Оскисько, Александр Поветкин кадь бадӟым куноослы луыса, соослэсь адӟем карыса, эшшо но тросгес нылпиос спортэ кыстӥськозы, таза луозы.
Александр Поветкинлэсь бадӟым тау кариз Удмуртиысь но Ижысь кивалтӥсьёслы боксэз азинтон сярысь сюлмаськемзы понна. Спортэн вырись пиналъёслы со вормонъёс сӥзиз.

— Малпасько, боксэ нырысетӥ вамышъёс лэсьтыны та туж тупась зал. Спортэн выре, вормылэ, кужмогес луэ! — вазиськиз дано спортсмен нылпиослы.
Эшшо дано спортсмен нимысьтыз кузьым лэсьтӥз — аслэсьтыз перчаткаоссэ кузьмаз Воткаысь нылпи юртысь нылашлы Мария Наговицыналы. Нылаш кикбоксинген тунсыкъяське, пӧртэм вожвылъяськонъёсы пыриськылэ.
Дано спортсмен пиналъёсын кематэк ӧз люкиськы: егит спортсменъёс солэсь автограф басьтӥзы, туспуксизы.
Туннэ А. Поветкин Ижысь «Забияка» боксъя залэ ветлӥсь пиналъёсын эшшо нимаз пумиськылоз на.

Ангелина Снигирёва

Туспуктӥз А. Снигирёва

Ангелина Снигирева
By Ангелина Снигирева Февраль 4, 2019 16:06
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<